CEFTEC Realiza Simpóziu Halibur Ideia Kontribui Ba Estabelesimentu IFCOM-TL
Sapnewstl, Dili : Centro Formação Técnico em Comunicação (CEFTEC) realiza simpóziu Nasional hodi halibur ideia no hanoin kritiku sira hosi matenek nain sira hosi rai-laran no rai-liur hodi kontribui hanoin sira kona-ba estabelesimentu Institutu de Formação em Comunicação e Multimédia de Timor-Leste (IFCOSM -TL)
Tuir Politika VIII Governu Konstitusional nian, ne’ebé aprova programa servisu nian iha planu asaun anual 2022 nian, CEFTEC sei responsabiliza ba realizasaun atividade Estudu viabilidade nian ida ne’ebé kontribui ba futuru instalasaun ba Instituto de Formação em Comunicação Social e Multimédia de Timor-Leste (IFCOSM-TL) nian, liu hosi simpóziu nasional ida: ho objetivu atu rona direta opiniaun sira no idea sira hosi matenek-na’in sira iha area espesifika nian.
״Estabelese Instituto de Formação em Comunicação Social e Multimédia de Timor-Leste (IFCOSM-TL) hodi kontinua aposta ba servisu iha area komunikasaun sosial nian.Tuir Politika VII Governu Konstitusiondl nian, ne’ebé aprova programa servisu nian iha planu asaun anual 2022 nian, CEFTEC sei responsabiliza ba realizasaun atividade Estudu viabilidade nian ida ne’ebé kontribui ba futuru instalasaun ba Instituto de Formação em Comunicação Social e Multimédia de Timor-Leste (IFCOSM-TL)ʺ. Tenik Secretaria Estadu Comunicasaun Social Mericio Juvinal dos reis Akara Iha Simpoziu Nasional, Dili, 16 Maiu 2022
Durante ninia ezisténsia, CEFTEC nu’udar embriaun ba estabelesimentu IFCOSM-TL nian, fo ona kapasitasaun ba funsionariu publiku no privadu sira ne’ebé servisu iha area komunikasaun sosial, relasões publikas no teknolojia, inklui foin sa’e sira balun ne’ebé remata ona sira-nia estudu iha ensinu sekundariu no ensinu superior hodi kumpre ninia vizaun no misaun, CEFTEC nu’udar sentru ida ne’ebé hadi’a-an beibeik, hodi dezenvolve kompeténsia sira kapitál umanu nian no hasa’e produtividade institusional, liuhusi formasaun espesializada iha area komunikasaun sosial.
Nune’e rezultadu sira husi sorumutu ne’e sei kontribui ba prosesu elaborasaun kurrikulu nian iha futuru. Simpóziu ida-ne’e sai hanesan mos demanda ida hodi hatan ba nesesidade publiku nian kona-ba kualidade servisu sira iha area komunikasaun sosial.
Entretantu, sira sei buka oinsa atu hadi’a kualidade informasaun ne’ebé habelar liu husi hadi’a kualidade informasaun fo sai liuhusi meius komunikasaun sosial iha ámbitu nasionál, lokal no internasionál no hakarak hasa’e ba profisionáll sira iha area komunikasaun nian tomak hodi bele alkansa objetivu no asegura kualidade iha futuru.
ʺNune’e simpóziu ida-ne’e sei konsentra liu ba aspetu ualu (8) hanesan : 1). Jestaun Institusional, 2). Kurrfkulu Formasaun 3). Rekursus Umanus, 4). Infraestruturas, 5). nesesidade sira komunidade nian ba formasaun iha area sira komunikasaun sosial, 6). Sustentabilidade, 7). Transformasaun CEFTEC integra/rezolve situasaun Funsiondriu Publiku Permanente sira nian, no 8) CEFTEC sei mantein hanesan sentru ida formasaun nian ka CEFTEC sei sai Diresaun Nasional ida ne’ebé integra iha SEKOMS/MAPKOMS״. Nia Hakotu
Enkuantu, Orador sira ka matenek na’in sira ba simpóziu nasionál refere mai hosi nasaun Indonézia no Australia hamutuk ho oradór nasionál sira, konvidadu sira ne’ebé identifikadu iha nivel nasional, no mos dosente universitáriu sira, ne’ebé bele kontribui hanoin no idea sira oinsa estabelesimentu Instituto de Formação em Comunicação Social e Multimédia de Timor-Leste (IFCOSM-TL)
Jornalista : Absalão da Costa Lopes
Editor : Sergio Delekuar