KJFS Halo Reflesaun Komemora Loron 20 de Maiu ba Dala XX ho Fraternidade
www.sapnewstl.com, Dili – Klibur Joventude Foin Sa’e (KJFS) realiza atividade reflesaun iha Kristu Rei Dolo-Oan hodi Komemora Loron 20 de Maiu ba dala XX ho Fraternidade, Estabilidade no Unidade Nasionál
Tuir Presidente Klibur Juventude Foinsa’e (KJFS) Joi Lopes hateten membrus ho Estrutura voluntarismu sira halo aktividades ida ne’e ho objetivu hodi komemora loron Restaurasaun Independesia TimorLeste nian ba dala XX.
“Objetivu husi atividade ida ne’e atu komemora ba loron 20 de Maiu ba dala XX Timor-Leste nia ukun an, Ami hala’o atividades ida ne’e laiha apoiu husi Governu ou Husi organizasaun ruma maibe ho ami nia inisiativa rasik nudar joventude foinsa’e halibur malu hodi fo kontribui ba loron importante ida ne’e”. Dehan Joi ba Jornalista SAPNEWSTL iha Kaikoli-Dili Quarta(18/05/2022).
“Ami nia aktividades ida ne’e ami sei halo iha dia 19 kalan hodi halo reflesaun no hanoin hikas ba Heroi sira ne’ebe terus to’o mate ba Rai ida ne’e no dia 20 Ami sei fila hikas ba Tasi-Tolu hodi asisti hasa’e bandeira no kalan sei asisti Tomada de posse ba Presidente Foun”.
Enkuantu Joven ne’e mos husu juventude tomak atu labele hanoin destroitivu, maibe mai hanoin ida desenvolvidu, estratéjiku ba desenvolvimentu , oinsa bele liberta povu no nasaun husi injustisa, kiak no mukit iha ita nia sosiedade Timor.
Jornalista : Justino de Jesus Soriano
Editor : Antonina da Silva