Valoriza no Habelar Ispíritu 20 de Maiu, Grupu KADALAK Organiza Semináriu
SAPNEWSTL, Dili : Grupu KADALAK organiza Semináriu Nasional hodi selebra loron restaurasaun independensia ba dala 20 ho objetivu jeral atu valoriza no habelar espiritu 20 de Maiu nian atu ita bele komprende kona ba loron 20 de Maiu ne’e rasik.
Tuir Presidente Komisaun KADALAK Vitoriano Domingos Aparixo dos Santos hateten kontinua husi 20 de Maiu ida ne’e, oinsa mak ita bele toka ba pontus balu ne’ebe maka importante iha loron ne’e, loron ida ne’ebe importante oinsa mak rekoinese internasionalmente kona ba ita nia independensia hanesan mos momentu ida ita vincula tan tomada de Posse ba Presidente da Repúblika Eleitu kada Periodu.
“Ami hanoin katak reflesaun ne’ebe mak foti iha 20 de maiu ne’e atu lori joventude sira oinsa atu bele reflete fila fali ba iha realidade 20 anus ba kotuk no halo prozetu ida ne’ebe prozeta ba iha 20 anus depois de restaurasaun independensia, ha’u hanoin ida ne’e importante ba dever moral no dever sidadania ida ne’ebe oinsa sidadaun sira kuda hodi kontribui ba rai ba rai ida ne’e nia diak”. Dehan Vitoriano ba jornalista iha fatin Salaun São José Katedral
Dili, Quarta(19/05/2022).
Presidente ne’e mos hatutan, Grupu KADALAK iha ninia programa annual sira iha balu ne’ebe mak realiza ona no agora sira halo Semináriu Nasional, enkuantu tuir mai sei fo formasaun ba joventude sira, oinsa atu halo limpeza tuir programa ne’ebe mak Grupu KADALAK iha, Oinsa mak kontribui ba Desenvolvimentu no partisipa ativamente iha processu Dezemvolvimentu ba rai ida ne’e. Nia Hakotu
Enkuantu, Orador sira ne’ebe partisipa iha Semináriu Nasional ne’e mak hanesan Eis Tenente Jeneral Reformadu Lere Anan Timur, Dra. Milena Pires, Pe. Julio Crispim Belo no Leovigildo da Costa Hornay no hetan partisipasaun maksimu husi juventude, estudante universitariu inklui organizasaun juvenil sira.
Jornalista : Justino de Jesus Soriano
Editor : Sapnewstl