SEFOPE Haruka Tan Trabalhador Na’in 12 Ba Servisu Iha Corea do Sul
www.sapnewstl.com Dili- Sekretaria de Estadu para Formassaun Profisiaonal e Empregu(SEFOPE) Hala’o Serimónia Asina akordu ho familia trabalhador no hala’o despedida ba Timor oan nain sanulu resin rua(12) ne’ebe sei desloka ba Corea do Sul
Tuir Sekretaria Estadu Fomasaun Profisional Empregu, Alarico do Rozario hateten Joven sira ne’ebe atu ba servisu iha Corea do Sul Tenki ho familia no mos SEFOPE halo uluk akordu ida kona ba deklarasaun, nune’e la bele halo asneras no sees husi akordu ne’ebe asina no kumpri regra ne’ebe SEFOPE hasai.
“Sira nain sanulu Resin Rua (12) no inklui feto ida sei aranka ba servisu iha area fábrika nian, 2022 hamutuk atus lima limanulu resin neen (556)mak ba uluk ona no agora aumenta tan doze pessoas ba tan hamutuk atus lima neenulu resin ualu (568) konserteza planu kada fulan fulan ha’u sei haruka ba hela deit no Trabalhador senzenaria workup Australia nian mos prosesu lao hela nafatin kona ba Trabalhador Australia nia orsida loraik sei asina tan Australia nian hamutuk nain hat nulu(40)”.Dehan Alarico ba jornalista sira iha Sentru formasaun Becora Dili,(19/05/2022)
Iha fatin hanesan mos Trabalhadora Josefina Ornai hateten mai husi ema kiak no hakarak transforma nia moris la diak liu maibe diak naton, atu hadia moris nia tenki husik hela familia
“Ha’u hahu kursu durante tinan Rua no tinan ida ho grasa maromak nia test liu duni no ohin ami asina ona kontratu katak dia 22 agora, ami sei aranka ba servisu iha Korea area fabrika nian״.
ʺHa’u Sente kontente tebes wainhira ha’u liu prosesu ida ne’e, Liu tiha ha’u sente tristi uituan tamba ha’u sei husik hela familia sira hotu iha timor hodi ba buka moris iha ema nian rain hodi muda ha’u nia familia uma laran”. Nia Hakotu
Enkuantu, traballador nain sanulu resin rua (12) ne’e, iha loron 22 fulan Maiu sei aranka ba Corea do Sul hodi hala’o sira nia servisu.
Jornalista : Justino de Jesus Soriano
Editor : Natalino Paulo da Silva