CNE Ho STAE Husu Timoroan Labele Halo Diskriminasaun Ba EhD Iha ELPAR 2023

SAPNewsTL, Dili: Komisaun Nasional Eleisaun (CNE sigla Portuges) Ho Sekretariadu Tekniku Administrasaun Eleitoral (STAE) husu ba Timoroan labele halo diskriminasaun ba Ema ho Defisiensia (EhD) iha Eleisaun Parlementar (ELPAR 2023) tanba sira mos iha direitu ba vota.

“Iha eleisaun parlamentár mak sei akontese iha iha loron 21 fulan maiu 2023 ne’e nakloke, ita fó oportunidade ba ema hotu-hotu atu bele ba vota tantu ema ho difisensia sira, tan ne’e husu ba Timoroan hotu katak atu labele hatun no ko’alia tan ita nia maluk defisiensia sira tanba sira hotu-hotu iha direitu ba vota no sira mós hanesan sidadaun Timor-Leste”, dehan prezidente CNE Jose Belo ba jornalista sira iha salaun CNE Colmera, Dili kinta (23/03/2023)

Prezidente hatutan, labele hatun ka limite ema iha direitu duni atu ba vota liu liu ba ema ho difisensia sira tanba sira mak sira sai nu’udar sosied ba nasaun ida nia matan, tanba ne’e l halo asaun solidariedade ba malu ne’e diak liu nune’e bele voloriza malu no bele tane as ema ida-idak nia direitu no dever iha nasaun ida ne’e atu nune’e Timoroan hotu bele asesu ba iha eleisaun parlamentár iha fatin ne’ebé deit.

 

Iha fatin hanesan diretor nasionál STAE Alcino Manuel Barros hatete, sira husu ba maluk ema hotu partisipa eleisaun parlamentar 2023 liuliu ema ho defisiensia sira tanba ba vota hare’e kartaun eleitoral laos isin lolon.

“Ami husu ba maluk difisensia sira atu nune’e bele partisipa iha eleisaun parlamentár 2023 nian labele tauk atu ba tanba ita hotu-hotu iha direitu atu ba vota mezmu ita iha referensia isin lolon maibé ita hotu-hotu mesak sidadaun Timor-Leste nian tanba eleisaun refere la haree ita nia isin lolon maibé hare’e ba ita nia kartaun eleitoral ne’ebe ami hamutuk ho CNE mós iha ona preparasaun maximu ba iha eleisaun parlamentár 2023 nian”, tenik diretor 

Diretor akresenta liu tan, sira nia staf kontinua serbisu nafatin to’o iha eleisaun parlamentár no sira nia preparasaun 85% hein katak ba ohin sira sei kontinua esforsu nafatin ne’ebe nia sente serbisu hotu-hotu sei la’o ho di’ak tanba serbisu hamutuk STAE no CNE ne’e la’o ho di’ak tebes

Iha sorin seluk sidadaun Ernestina da Costa informa, Nia husu ba maluk sira hotu katak labele viola ema ida nia direitu no dever tantu nia ne’e ema atu ba partisipa iha eleisaun parlamentár refere tanba dadaun ne’e Timor-Leste ratifika ona paktu Nasaun Unida nian kona-ba direitu sivil no polítika nian.

“Hau husu ba maluk sira hotu katak labele viola ema ida nia direitu no dever tantu nia ne’e ema atu ba partisipa iha eleisaun parlamentár refere tanba dadaun ne’e Timor-Leste ratifika ona paktu Nasaun Unida nian kona-ba direitu sivil no polítika nian”, Ernestina hateten

Ernestina afirma liu tan katak, mezmu sira moris mak ho defisensia maibé sira hakarak tenke goza sira nia direitu hanesan ho sidadaun sira seluk tanba sira mos mesak sidadaun Timor-Leste hotu no husu ba governu atu kria netik fatin ruma ba sira nia maluk sira difisensia ho matan atu nune’e sira mós bele asesu ho diak iha eleisaun parlametar 2023.

Reportajen: Juvinal Camões