Dalan Ba Nonu Guvernu, Primeira Reuniaun Sexta Legislatura Sei Akontese Iha Loron 22 Junhu
SAPNewsTL, Dili : Hafoin Lideres Bankada Parlamentar sira halo reuniaun ho Presidente Parlamentu Nasionàl, Sekretaria Jeral Parlamentu Nasionàl (PN) Lidia Norberta haktuir loron Primeira Reuniaun husi Sexta Legislatura sei akontese iha Loron 22 Junhu 2023
“Passagem Kinta Legislatura ba Sexta Legislatura bazeia ba reunião ne’ebe Presidente da Repúblika José Ramos Horta halo ho Presidente Parlamentu Nasional Aniceto Guterres hanoin oinsa para atu Bele fo tempo ba Parlamentu Nasional hodi rona lider Bankada sira, Nune’e maka Presidente Parlamentu iha tersa loraik halo reunião ho Bankada sira”. Tenik Deputada Lidia Norberta ba Jornalista Sira, iha Resintu Uma Fukun PN, 07/06/2023
Sekretaria Jeral PN ne’e hatutan Bankada Ne’ebe marka prezensa mak hanesan Bankada CNRT, FRETILIN , PLP, PD,KHUNTO, Frente Mudansa no UDT signifika Bankada hitu ne’ebe iha Quita Legislatura ne’ebe maka marka prezensa iha reunião ne’e
“Hafoin husu Deputadu Deputada hotu hotu Nia hanoin katak relasiona ho passagem ne’ebe loron no data ne’e monu iha loron 22 Junho 2023”. Nia Informa
Deputada ne’e akresenta, “Bainhira Presidente Parlamentu Nasionàl foti desizaun iha lider Bankada, ita nota katak Husi Bankada Hitu Laiha ida maka Halo objesaun ba desizaun ida ne signifika katak agora ida ne’e los ona, Dia 22 de Junho 2023 sei iha pasagen husi Quita legislatura ba Sexta Legislatura”. Nia hatete
Entretantu, Antes Partidu Vensedor Ne’ebe konkista Kadeira 31, Partidu CNRT halo ona audiência ho Presidente Repúblika hodi Komfirma kalendáriu ba Primeiru Reuniaun Sexta Legislatura, Presidente Repúblika José Ramos Horta mos bolu ona Partidu Terseiru Mais Votadu Partidu Demokrátiku hodi rona hanoin sira molok to’o Primeiru Reuniaun Sexta Legislatura
Enkuantu, Tuir Informasaun ne’ebé SAP News TL Asesu katak Konfirmadu ona Partidu CNRT no Partidu Demokrátiku mak sei halo koligasaun hodi forma Nonu Guvernu Konstitusional
Jornalista: Ermelinda Soares