Infraestrutura Eskola EBF Ailarino Sai Dodok, Komunidade Hari’i Uma Eskola Ba Oan Sira
SAPNewsTL, Lautém: Alunu sira Iha Eskola Ensinu Báziku Fillial Ailarino, Suku Luro Postu Administrativu Luro Munisipiu Lautém eskola iha uma ne’ebé konstrui husi nia inan aman Sira hamutuk ho manorin Sira, tanba iha tinan 2021 Edifísiu ne’ebe sira uza antes ne’e monu no Aat tanba material Sira Ne’ebe iha eskola ne’e sai aat no dodok
Tuir dadus ne’ebe Membru Parlamentu Foinsa’e Nian (PFN) Seorge Alves da Costa foti iha fulan Dezembru 2022, haktuir Eskola Refere aat kleur ona tanba aí, zinku, Kadeira, Meza, armáriu sira ne’ebe iha sai aat no dodok, hafoin rezulta Eskola refere monu, ikus mai alunu sira labele uza no halo fali uma ida hodi uza ba prosesu ensinu aprendijajem
“Hafoin eskola ne’e monu, estudante sira Provizóriu uza Familia ida nia uma iha Ailarino, entaun, Mestre Sira, Xefe Aldeia, Hamutuk ho Komunidade sira hari’i uma kiik ida ba estudante sira hodi uza to’o ohin Loron, Ne’ebe Kontinua uza Kadeira ne’ebé Aat, Meza ne’ebé ládiak ate balun tur iha Rai hodi eskola, tanba Meza no Kadeira la to’o”. Tenik Membru PFN Seorge Alves da Costa ba SAP News TL iha Luro-Lautem, 08/06/2023
Membru Parlamentu Foinsa’e ne’e mos hatutan, Eskola refere menuz livru no manual Sira tanba ne’e Mestre Sira Kontinua hanorin deit ho manual sira Ne’ebe antes ne’e hetan apoia husi diresaun Edukasaun Munisípiu LautémMembru Parlamentu Foinsa’e Periodu dahaat ida ne’e husu ba Guvernu foun mai hodi tau matan ba eskola Refere tanba konsidera lá tempu ona povu Kiik nia oan Sira Kontinua uza fasilidade ne’ebe la merese hodi Hala’o sira nia Prosesu Ensinu Aprendijajem
Enkuantu, daudaun ne’e Alunu sira Kontinua eskola iha infraestrutura ne’ebe la adekuadu hodi aprende no estuda matéria sira ne’ebe mestre sira fo, portantu tuir dadus Ne’ebe SAP News TL asesu Eskola refere iha mestre nain haat no estudantes Hamutuk hitunulu resinHafoin notisia ne’e tun, SAP News TL Seidauk Komfirma ho Parte Diresaun Edukasaun Munisipiu Lautém tanba sei okupadu ho servisu seluk
Jornalista: Luis Pailofo