Dalan Ba Paz Global ! TL Partisipa Iha Enkontru ASEAN Ba Dala XVII
SAPNewsTL, Dili : Hafoin partisipa enkontru entre Ministru Defeza sira ASEAN ba dala 17⁰ no Ministru Defeza ASEAN-Plus ba dala -10 iha Jakarta, Ministru Defeza Pedro Klamar Fuik konsidera enkontru refere la’o ho diak teb-tebes no mos hetan apoiu husi nasaun ASEAN sira atu Timor-Leste bele tama lalais ba Membru ASEAN.
“Membru ASEAN konsolida situasaun kona ba konflitu hirak ne’ebe maka akontese iha rai jona regiaun seluk mai to’o iha zona ASEAN nian, ida ne’e sai hanesan objetivu komun ida hodi ASEAN haree ba problemas husi regiaun seluk, estabelese mos Komunikasaun ho parseiru ASEAN sira seluk hanesan Estadus Unidos Amerika, Australia no China ho rai sira seluk bele hamutuk kontribui ba paz rezional no global”. Dehan Ministru Defeza Pedro Klamar Fuik ba jornalista iha Sala VIP Aeroportu Internasionál Comoro, tersa 21/11/2023.
Iha forum altu nivel ne’e mos Ministru Defeza ASEAN hotu-hotu sei halo avaliasaun hodi foti desizaun ida ba autoridade hotu hotu bele rezolve lalais problema hanesan iha palistina, Gaza no Israel, atu bele hapara hodi fo apoiu humanitariu no loke dalan ba vitima sira.
“Timor Leste hanesan observador hodi observa no rona, maibe seidauk bele fo opiniaun iha enkontru ida ne’e,tanba enkontru ida ne’e enkontru bilateral ho membru ASEAN.” Nia akresenta
Ministru Defeza Timor-Leste mos fo agradese ba Ministru Defeza Indonesia Sr. General Bravos Bianto tanba indonesia mak Prezide Presidensia ASEAN no mos halo esforsu maximu desde 2011 ba seguransa no Defeza iha pais ASEAN
Enkuantu, enkontru entre Ministru Defeza ASEAN ba dala -17 (ADMM) no Ministru Defeza ASEAN-Plus ba dala -10 iha Jakarta ne’e la’o durante loron rua husi loron 15 too 16 Novembru 2023.
Jornalista : Zenoveva Sarmento