Lideransa KFP Sei Foku Ba Prestasaun Servisu
SAPNewsTL, Dili : Primeiru-Ministru, Kay Rala Xanana Gusmão fo tomada de posse ba Prezidente Komisaun Funsaun Públika (KFP), Agostinho Letêncio de Deus no Komisariu, José Telo Soares Cristovão atu ezerse mandatu ba tinan lima.
Prezidente KPF Agostinho Letêncio de Deus hato’o agradese ba IX governu kontituisional, ne’ebe lidera husi Primeiru-Ministru, Kay Rala Xanana Gusmão ne’ebe fo konfiansa tomak hodi lidera KFP no promote sei servisu ba estadu hodi kontribui ba dezenvolvimentu.
Serimónia tomada da posse hala’o ho juramentu husi Presidente Komissaun Funsaun Publika no akompaña direita husi Padre Domingos Maubere no asina termu tomada de posse husi Primeiru-Ministru, Kay Rala Xanana Gusmão.
Prezidente KPF Agostinho Letêncio de Deus konsidera administrasaun publika importante tebes ba estabilidade sosial no dezenvolvimentu nasional.
“Administrasaun publika importante teb-tebes ba administrasaun publika hodi kontribui ba establidade sosial, tanba ita presija hametin populasaun nia fiar, no konfiansa ba instituisaun estadu”. dehan Prezidente KFP Agostinho Letêncio iha Nia diskursu, iha edifisiu KFP matadoru,22/11/2023
Prinsipiu sira hakerek ona iha konstituisaun ne’ebe estabelese katak tenki tane as interese publiku, administrasaun publika tenki mai ho administradasaun ida ne’ebe bem estruturadu hodi garantia serbisu administrasaun publiku bele besik liu ba populasaun.
“Tanba ne’e, reforma administrasaun publika ne’ebe sai nu’udar programa prinsipal ida iha IX governu konstituisional, komisariu sira nebe foin simu posse iha dever atu lori funsionariu publiku, burokrata sira hodi atinji sira nia profisionalismu iha sira nia prestasaun serbisu”. nia akresenta
Profisionalizmu iha funsaun públika nu’udar ferramentu importante ba pais sira atu inpulsiona dezenvolvimentu no fortalese sistema demokrasia,sai mos xave ba alkansa justisa no prosperiedade ba sosiedade, kresimentu ekonómiku, estabilidade no siguransa nasion
Timor-Leste iha hela konstrusaun estadu, konstrui no hametin dadaun valor demokrasia, nesesita funsionariu publiku nia profisionalidade ne’ebe bele responde ba desafius ne’ebe kauza kompetitividade globalizasaun nian, tantu iha nivel nasional no internasional.
“Mehi atu atinji profisionalidade funsioariu ida-idak nian ejiji jestaun funsaun publika fortalese bazeia ba prinsipiu meritokrasia, prinsipiu ne’ebe basikamente tau iha konsiderasaun ba objektivu sira ne’ebe iha kompetensia, dezenpenhu, kualifikadu no esperiensia. Aprende esperensia husi nasaun dezenvolvidu sira iha mundu, governu fo prioridade maximu ba aplikasaun sistema meritu, ita bele adopta husi nasaun inovatiku sira husi asiatiku”. nia hateten
Bazeia ba programa administrasaun publika nu’udar Presidente KFP hamutuk ho komisariu nain hat(4) sei deskuti programa prinsipal atu bele transforma funsionalismu publiku ho efisiente no efikas, bazeia ba sitema meritu ne’ebe adaptidu iha Konstituisaun Timor-Leste.
Lideransa Komissaun Funsaun Publika sei foka liu programa sira mak hanesan tuir mai ne’e :
- Kontinua dezenvolve sistema dijitalizasaun jestaun funsionariu publiku.
- Melhora Processu planeamentu no rekrutamentu.
- Dezenvolve kompetensia funsionariu funsaun publika
4.Padraun kareira funsionariu publiku.
- Kontinua Dezenvolvinentu kapasidade jestaun rekursu humanu ba melhoramentu, prestasaun serbisu publiku ba publiku no komunidade sira.
Atu implementa programa sira ne’ebe aprezenta, Lideransa Komissaun Funsaun Publika ne’e konta mos apoiu husi Primeiru-Ministru, Presidensia Konsellu Ministru no instituisaun sira hotu tanba KFP hanesan instrumentu hodi implementa ne’ebe Guvernu define.
Enkuantu, Partisipa iha serimonia tomada de posse ne’e mai maka Primeiru Ministru, Vise Primeiru Ministru nain rua, Ministru sira no sekretaria Estadu sira inklui Familia emposadu sira.
Jornalista : Marcella Mesquita Lemos