Despede Brigada Médiku Chineza ! MS : Agradese Ba Dedikasaun
SAPNewsTL, Díli : Vise Ministru Saúde ba Operasionalizasan Ospitál (VICE-MOH), Flávio Brandão Mendes de Araújo partisipa Serimónia despedida Brigada Médiku Chineza ne’ebé remata ona servisu iha Ospitál Nasionál Guido Valadares (HNGV)
Iha serimónia despedida ne’e Vise-MOH fo agradese ba Médiku Chineza ne’ebé durante tinan rua hala’o ona servisu iha HNGV
“Agradese ba dedikasaun tomak ne’ebé sira fó, no hatudu ezemplu ne’ebe di’ak tebes, oinsa mak sai profisionalizmu no halo kooperasaun ho médiku Timorense no estrutura ezekutivu HNGV ne’ebé la’o di’ak tebes”. Tenik Vise Ministru Saúde ba Operalizasaun Hospital Flávio Brandão iha HNGV, Dili, 11/10/2023
Durante ne’e brigada médiku Chineza presta mós atividade sosiál sira iha komunidade, servisu tratamentu komunitária ne’ebé kolabora di’ak tebes
“Ita garantia sei la hotu iha ne’e maibé ita garantia semana oin iha ekipa médiku espesialista foun ne’ebé mak sei mai, tinan rua-rua sira nia mediku komposu husi mediku espesialista sira ekipa ida agora fila tia semana oin ekipa seluk mai fali.” dehan Vise Ministru Saúde
Iha fatin hanesan, Direitor klínika HNGV Marcelino Correia hatete ohin Loron ikus ekipa brigada Chinesa sira ne’ebe hala’o sira nia misaun iha HNGV durante tinan rua
“Durante tinan rua ne’e sira apoiu tebes no iha kapasidade diak apoiu serbisu ho diak, iha portidaun bainhira Ita iha maluk no kolega ne’ebe iha difukuldade bele apoio no apoio makina sira mos hanorin ita nia mediku iha ne’e”. Nia salienta
Direitor ne’e konsidera presenza médiku sira iha HNGV ne’e importante tebes tanba bele apoia no tulun médiku Timor oan sira iha prosessu medikasaun no makina Sira
Jornalista: Ermelinda Soares