Despede Timor Oan Na’in 7 ! Arsenio Husu Traballador Adapta Kultura Japaun Nian

SAPNewsTL,DILI : Ohin Sekretariu Estadu Formasaun Profisional no Emprego (SEFOPE) representa husi Sekretariu Estadu Kooperativa Arsenio Pereira, hala’o serinomia despedida ba jovem main hitu(7), ne’ebe mak sei ba servisu iha Nasaun Japaun.

Sekretariu Estadu Kooperativa Arseio Pereira da Silva fo agradese ba nasaun Japaun ne’ebe liu husi embaxador Timor-Leste tanba nia kooperasaun ho Timor-Leste nune’e bele haruka joven Timoroan sira bele ba servisu iha ne’eba.

Trabalador sira ne’ebe mak ba servisu laos,hanoin ba servisu deit maibe oinsa mak bele hetan esperensia foun atu nune’e saida mak sira aprende iha ne’eba banhira fila mai Timor bele aplika fila-fali.

“SEFOPE nia programa ba ita nia trabalhador sira, liu-liu ba trabalhador sira ne’ebe mak ba nasaun hanesan Korea, Australia no Japaun balun iha Pais Europa sira, ida ne’e intensaun ho hanoin atu prepara Ita nia joven sira ba servisu, aleinde servisu sira mos bele aprende buat ruma hodi bele mai aplika fila-fali iha ita nia rai doben Timor-Leste”.Dehan Sekretariu Estadu Kooperativa Arsenio Pereira, ba jornalista sira iha Caicoli, sexta-feira(26/01/2024)

Mensagem ba alin sira ema hotu hatene katak Timor-leste iha dezempregu barak no guvernu rekonese ida ne’e tanba seidauk iha kriasaun servisu barak nune’e nu’udar representa nasaun nia naran imi ba hala’o misaun Timor nian.

“Imi ba iha ne’eba, hatudu imi nia hahalok, atitude no responsabilidade ne’ebe mak diak tanba iha nasaun Japan ne’eba respeita oras,kultura no respeita malu, imi tenke adapta tuir ambiente ne’eba nian”.Nia husu

Sekretariu estadu ne’e hatutan, servisu iha nasaun seluk laos atu sai atan ba ema maibe oinsa buka esperiensia hodi bele mai halo dezenvolvimentu iha Ita nia nasaun, imi ba iha ne’eba lori misaun Timor nian lori herois Timoroan sira nian naran.

“Famiilia sira mai Ita fo koragem ba sira atu nune’e sira bele ba servisu ho diak no bainhira loron ne’ebe sira fila mai hodi bele fila ho kondisaun ne’ebe diak”salienta nia.

Enkuantu, traballador na’in hitu ne’ebe ohin asina akordu ne’e sei aranka ba nasaun Japaun iha tempu badak, tuir planu Japaun sei kontinua rekruta Timor oan sira hodi ba servisu iha sira nia nasaun.

 

Jornalista : Dircia Baptista Belo & Isabel de Jesus