CNRT Konsidera Sexta Bazika La Benefisia Povu
Imajen Sexta bazika ne’ebe kompanha balun distribui ba komunidade sira iha territoriu nasional
SAPNewsTL, Dili – Iha Plenaria Parlamentu Nasional orseik, Deputadu Bankada CNRT Grabiel Soares hatete atribuisaun sexta bazika iha Manatutu ladun fo benifisiu ba povu tanba sosa koto fuhuk, ai-farina fuhuk inklui husi namlaik ba komunidade sira iha Suku Saul, Iliheu no Aiteas
“Iha balun ba sosa fali kotu fuhuk, ai-farina fuhuk,hudi namlaik iha Suku Saul, Suku Iliheu, no Suku Aiteas ninian, importante tebes atu fo hatene ba ezekutor sira para atu bele sama atensaun ba kompanhia sira ne’ebe uza osan estadu para atu ba povu maibe, sira la uza, uza deit mak uitoan restante sira la uza sai benifisiu ba sira nia an rasik”. Tenik Deputadu bankada CNRT Gabriel Soares iha Plenaria Pn, tersa-Feira orseik, 29/11/2022
Deputadu ne’e husu governu tenki chamada atensaun ba kompanhia sira ne’ebe sosa sasan hodi fahe ba povu, iha balun kaer hela sexta basika ne’e atu hatudu ba governu iha komemoraaaun ne’ebe hala’o iha Manatutu maibe la konsege tanba nia interven
“Governu tenki chamada atensaun ba kompanhia sira ne’ebe sosa sasan hodi fahe ba povu, balun atu hatudu ba guvernu iha Manatutu maibe ha’u dehan labele, ne’e serimonia nasional labele halo hanesan ne’e, husik fila ba iha plenaria maka hato’o ba presidenti parlamento karik representaun governu nian iha fo hatene hela ba para atu kuriji kompanhia sira ne’ebe uza osan estadu ba hola sasan fahe ba povu”, hatete nia
Entretantu, Produtu ne’ebe distribui ba populasaun sira liu husi programa sexta bazika maka hanesan fos, batar, koto, naan, hudi, mina, no produtu sira seluk tan
Enkuantu, hafoin notisia ne’e SAP News publika, tenta atu halo komfirmasaun ho komunidade balun iha Suku Saul, Iliheu no Aiteas iha Manatutu inklui Kompanha ne’ebe distribui sexta bazika ne’e maibe la konsege tanba seidauk resposta husi parte relevante sira
Jornalista : Ermelinda Soares
Editor : Ekipa Editorial