Dom Norberto Husu Makaer Ukun Haketak Individualizmu No Nepotizmu Iha TL
SAPNewsTL, Bobonaro : Loron Konsulta Popular Loron ne’ebé importante ba povu Timor Leste ne’ebé rezeita otonomia hodi simu independensia Iha Timor Leste, Bispu Dioseze Maliana Dom Norberto Amaral husu makaer ukun sira haketak individualizmu nepotizmu iha TL
Tuir Bispu Dioseze Maliana Dom Norberto Amaral katak loron konsulta popular loron importante ba povu tanba husi loron ne’e ita determina independensia.
“Loron 30 de Agostu loron ne’ebé importante tebes ba Timor Leste no momentu ne’e ita hot-hotu vota no fin ita rezeita otonomia hodi simu idependesia, ne’e duni ha’u atu dehan ba populasaun hotu-hotu maske iha frakeza barak maibé ita iha buat balun ne’ebé la’o, ne’e duni lalika lakon esperanca maibé esperansa nafatin hodi tuir no hala’o didi’ak ita nia moris ida ne’e”. Dehan Bispu Dioseze Maliana Dom Norberto Amaral ba Jornalista sira iha Rezidensia Colegio, Segunda-Feira, 29/08/2022.
Bispo ne’e hatutan historia fo atensaun ba timor oan hotu atu hatene hatur moris ne’e ho di’ak ba futuru.
“Bele hanoin kona-ba historia iha ita nia moris maibé historia ne’e tau atensaun ba ita ida-idak nia moris, historia bele reziste iha ita nia moris maibé historia ne’e nu’udár buat ne’ebé bolu atensaun ba ita atu ne’e ita bele hatene hatur ita nia moris ida ne’e ho di’ak ba aban bainrua nian”. Tenik Bispu
Entretantu lider igreja Dioseze Maliana ne’e mos apela ba ukun nain sira sira atu tau prioridade ba povu nia moris atu povu bele moris di’ak.
“Ha’u atu dehan de’it ba sira atu ukun didi’ak ba tuir mandatu ne’ebé povu fo hodi ka’er didi’ak buat ne’ebé povu tau konfiansa, buka atu haketak buat ne’ebé individualizmu no nepotismu atu nune’e tau prioridade ba povu nia moris atu nune’e povo bele hetan moris di’ak”. Nia hakotu
Jornalista: Juvita Sarmento
Editor: Ekipa Editorial