Durante Fulan 6, Lafaek Tata Ema Nain 4 Iha Lautém No Vikeke

SAPNewsTL, Lautém : Lafaek nu’udar Sujeitu Ida Ne’ebe Timor Oan sira konsidera Hánesan Avó ne’ebé Timor Oan sira hadomi, Kuidadu no Proteje tanba haree mos husi Istória Katak Rai Timor Forma ho modelu Lafaek inklui razaun seluk Tan, Maske Nune’e Maibe Lafaek mos tata Komunidade lubun ida to’o hakotu sira nia vida

Tuir Informasaun ne’ebé SAP News TL Asesu iha Fevereiru tinan ne’e Lafaek Tata Katuas ida iha Lospalos, wainhira Katuas ne’e ba Kail Ikan, hafoin insidente ne’e mosu to’o Agora Seidauk hetanIha Sorin seluk,

Iha loron 4 Fulan Marsu tinan ne’e, Sidadaun Francisco (Sokoloi) hetan tata husi Avo Lafaek iha Area Lugasa, Vikeke, iha Ne’ebe Rezulta Sikoloi tenki lakon Nia vida tanba Lafaek haan hotu ninia Isin Lolo tomakHafoin Família buka Tuir no hetan hodi hatene katak Lafaek Mak Tata, Sira Tenta Kaer, Kesi, Sona no oho Lafaek refere husi tasi hodi ko’a Lafaek Nia Isin, ikus Mai konsege foti hikas Matebean Francisco Lugaasa Ninia Ulun, Ain, Liman, Kulit no Ruin Balun.

Insidente ne’e akontese iha Suku Uma Ua’in Leten (Lugasa) Postu Administrativu Vikeke Munisipiu Viqueque Foin lailais ne’e, Komunidade Sira buka no konsege hetan hikas Orseik, 04 Marçu 2023, Iha Area Mota Lugasa tasi ibun Postu Administrativu Vikeke, Munisipiu Vikeke

Iha Loron 4 Fulan Junhu, Lafaek Tata Estudante ida ho Naran Alfredo da Costa iha Postu Administrativu Iliomar Munisípiu Lautém, wainhira Labarik ne’e ho nia maluk sira ba TasiEntretantu, Liu De’it Loron Ualu, iha Loron 12 Fulan Junhu Foin lailais ne’e, Lafaek Tata Tan Sidadaun Elizito da Silva iha Postu Administrativu Tutuala, Munisipiu Lautém

Tuir Kronologia ne’ebé SAP News TL asesu liu husi Pajina Facebook Privadu Putra Wachu-Mura katak, Cordenador Secoop Municipio de Lautem ne’e, Iha dia 12 halo Viagen husi Nia Rezidensia Maulo’o hodi ba kail Ikan iha Lagoa de Ira Lalaru

Hafoin sira hotu to’o iha fatin, buka tuir no hamulak, Maibé la Konsege hetan no hetan deit ninia isin Rohan kiik oan Ida, nune’e família lori hikas ba nia Rezidensia hodi kontinua kedas ba Prosesu FúnebreMatebean Elezito da Silva antes ne’e Asume Kargu Hánesan Diretor Fundadaun Amizade Tanba Amor (FUNDAMOR), Hafoin nia mandatu remata, Nia kontinua Asume Kargu hanesan Diretor Kooperativa Munisípiu Lautém

Rekorda fali katak, Durante ne’e Lafaek lubun ida sempre Tata Sidadaun Sira hanesan akontese iha Tibar-Likisa Tinan Hirak liu Ba, Akontese iha Beheda-Manatutu, Wainhira aman ho oan ba Kail ikan iha tempu kalan, Nune’e mos iha Munisipiu Lautém, Postu Administrativu Tutuala Lafaek Han hotu sidadaun Sipriano Nia Isin ikus Mai Hetan deit Ninia Liman Rohan hodi ba hakoi iha Postu Administrativu Luro, iha tinan 2022 Lafaek tata labarik ida iha Postu Administrativu Lore.

Entretantu, Indivídu balun mos tenta oho ona Lafaek lubun ida durante ne’e.Situasaun ne’e fo Atensaun ba sidadaun hotu hodi evita ba fatin Sira Ne’ebe risku liliu Mota, lagoa Ka tasi sira ne’ebe Lafaek Barak iha ba, hodi evita insidente Sira Ne’ebe Ita ema hotu labele espera

Jornalista: Lídia Amaral