Ekipa Treinadu Husi Austrália Profisonaliza Timor Oan Responde Asidente Iha TL

SAPNewsTL, Dili : Ekipa treinadu National Critical Care and Trauma Response Centre Australia fo treinamentu bá ekipa kompostu husi SNAEM, HNGV, BOMBEIRUS, PNTL, F-FDTL, UNTL kona bá Major Incident Medical Management and Support.

Objetivu husi atividade ne’e atu forma sira sai profisionál liu tan, wainhira hala’o atendimenu ba komunidade sira iha terenu

“Aktividade ne’e fasilita husi ekipa National Critical no Trauma Response Centre Australia ne’ebe mak liu husi nasional ambulance  medical organiza, aktividade ida ne’e fasilitador sira mai husi Australia ne’ebe mak mai iha servisu ambulance,aktividade ne’e hahu kedas horseik, ohin no aban”. Tenik Directora National Critical Dra.Custodia Benevides Florindo. Ba jornalista iha fatin instituto Nasional de Saùde Comoro, Quinta-Feira 30/06/2022.

Nia hatutan Jestaun ne’ebe maka sira aprende durante loron tolu husi major incident medical management and support nia estrutura maka oinsa, karik mosu asidenti ruma hanesan ema profisional bele halo planu hodi responde ho diak

“Seguransa ne’e importante bainhira mosu asidenti boot ruma i depois durante asidenti boot ruma ami fo atendimentu treajen ba ema sira ne’ebe mak sai hanesan vitima ba iha asidenti boot ruma” nia akresenta.

Asidenti ne’ebe mak akontese sira prioridade ba tuir ema ne’ebe mak hetan moras ou kanek tanba impaktu husi asidenti ne’ebe mak sira hetan

“Wainhira sira prepara diak no sira halo komunikasaun ho hospital ho fasilidade saùde iha ne’ebe bele simu bazeia ba kondisaun pasiente i sira mos halo preparasaun atu transporta, jestaun ba transporte ambulance,saida deit rekursu ne’ebe mak sira iha atu fasilita,transfere vitima sira ne’ebe ba iha fasilidade saùde”. Hakotu nia

Jornalista       : Julieta Moniz

Editora           : Conzita Mota