Estudante ICS 57 Aranka Ba Bobonaru, Elizabet : Ami Ba Atu Serví Komunidade
SAPNewsTL, Dili: Estudante Instituto Ciéncia da Saude (ICS), Elizabet Jenezia Branco Hateten Departementu enfermagen, fakuldade siénsia saúde,hala’o aktividade sosializasaun, objetivu prinsipal husi sosializasaun ne’e hakarak lori komunidade atinji kondisaun Saudável
“Aktividade sosializasaun hanesan extra husi estudante fakuldade saúde ne’ebe mak tama ona semestre III hodi bele aplika fali sira ninia konhesimentu ne’ebe mak durante sira aprende ba iha komunidade sira”. Dehan Elizabet Jenezia Branco ba jornalista sira iha Kampus ICS Comoro, (30/06).
aktividade sosializasaun ida ne’e oinsá atu dezenvolve konesimentu, liu-liu oinsa bele aplika fila fali sira nia konesimentu ba komunidade sira liu-husi formasaun, no oinsa halo prevensaun ba moras sira.
“Ami ba hala’o aktividade ida ne’e ami ba Munisipiu Bobonaro, Posto Administrativu Maliana, suku Ritabou, Aldeia Naitete, no ami la’o mos aldeia tolu (3), iha ne’eba, ami halo formasaun prinsipalmente ba iha moras sira ne’ebe mak ho porsentu ne’ebe boot, hanesan Ispa, IPA tensaun ka tensaun alta, diareia, dengue, fase liman no selu tan”. Nia informa
“Ami sei tama door to door (odamatan ba odamatan) ba komunidade sira liu-husi formasaun sira ne’e, Ami husi departementu enfermagen, fakuldade siénsia de Saúde, Semestre III, Turma F, bazeia ba apsensia kada turma ami kompostu husi 57 pessoas, tanba ne’e ami turma ida hotu-hotu ba”. Nia sublinha
Entretantu sira sei ba hela iha Sede Aldeia hodi tau matan husi parte, Xefi Suku, Xefi Aldeia no mos Komandu Polísia mak sei akompanha sira to’o ramata
JORNALISTA : Sergio de Joao Batista Lelan & Vitoriana Brites