“Escola 5 de Maio” Uza Osan Kontribuisaun Inan Aman Hadia Fasilidade Eskola
Estudante Escola Sekundariu 5 de Maio Becora uza kadeia plastiku ne’ebe sosa husi osan kontribuisaun inan aman, iha Becora, Dili kinta (02/02/ 2023).
SAPNewsTL, DILI : Estudante Escola Sekundariu 5 de Maio Becora, uza kadeira meza plastiku hodi tuir apredijajen tanba kadeira ho meza aat hotu, nune’e Diretor Eskola Adelino Nicolau Hornai hato’o ona pedidu ba Ministeiru Edukasaun Juventude Desportu (MEJD) maibe seidauk iha resposta
“Ami nia estudante barak mak sei uza hela kadera ho meza plastiku hodi tuir aprendijajen, tanba meza ho kadeira la sufisiente ba estudante sira hodi tuur no hakerek, ho ida ne’e ami uza osan kontribuisaun ho inan aman sira hodi hadia kadeira ho meza aat sira ne’e maibe la to’o nafatin, ami mo’s hato’o ona pedidu ba MEJD hodi reforsa kadeira ho meza maibe ami nia pedidu seidauk iha resposta”, dehan Diretor Adelino Nicolau Hornai ba jornalista SAPNewsTL iha nia knaar fatin Becora, Dili kinta (02/02/ 2023).
Diretor hatutan, sira nia prosesu aprendijajen hahu iha loron 16 fulan janeiru 2023, professor sira hotu tama tuir sira nia oras, tinan rua kotuk ne’e sira uza turma tolu dader ho lokraik maibe agora deit uza turma rua tanba governu ezizi bolsa meritu ne’e eskola labele uza turma tolu tanba ba oras la to’o no falta materia ba estudante sira
Diretor Eskola 5 de Maio Bekora, Adelino Nicolau Hornai, iha nia knaar fatin Becora, Dili kinta (02/02/ 2023).
Entretantu, iha apredijajen dader hahu husi tuku 8:00 to’o 12:55 no loraik tama iha 01:00 sai iha 05:55 no estudante utiliza sala 15 ba dader ho loraik, numeru estudante Klase 10 ho 11 ne’e normal maibe klase 12 siensia teknolojia mak kuaze estudante 60 resin tama iha sala ida.
Nia informa, iha tinan 2023 sira simu estudante foun hamutuk 450, iha tinan 2022 estudante finalista hamutuk 780 ne’ebe iha tinan ne’e sira simu estudante oituan liu tanba sira sei menus iha sala, kadeira no meza, eskola ne’e mos sei la simu estudante foun husi munisipiu eseptu hetan rekomendasaun husi edukasaun munisipiu ka transferensia husi edukasaun munisipiu mai entrega ba iha edukasaun munisipio Dili
Enkuantu, estudante husi departamentu rua hanesan siensia tekonolojia no siensia sosiais hamutuk 1.720 husi klase 10 hamutuk 461, klase 11 hamutuk 584 no klase 12 hamutuk 675.
Jornalista : Antonio Tilman