Estrada Lour Nakfera, Semana Ida Ona Komunidade La Asesu Merkadu
SAPNewsTL, Bobonaro: Relasiona ho udan boot ne’ebe akontese hahú iha loron 3-5 Fulan Jullu tinan ne’e Iha Munisipiu Bobonaro, Rezulta Estrada Ligasaun Suku Lour Ba Postu Administrativu Bobonaro nakfera total no labele fo asesu ba movimentasaun Veíkulu sira iha Suku refere
Tuir Informasaun Ne’ebe SAP News Timor-Leste asesu liu husi Pajina Facebook Privadu Lgomes Migy katak “Udan Boot ne’ebe akontese iha loron 3-5 Fulan Jullu ne’e, Rezulta Estrada Suku Lour sofre Dezastre Natural no Implika movimentasaun transporte públiku ba suku refere”.
Nia deskreve, “Situasaun ne’e difikulta tebes Komunidade sira liu husi sirkulasaun transporte Sira, inklui Bazar ka Merkadu iha Suku refere paradu nune’e halo Komunidade susar atu asesu ba produtu sira hodi konsumu”. Hakerek Lgomes Migy liu husi nia Pajina Privadu Facebook Iha Bobonaro, 09/07/2023
Entretantu, Antes ne’e Ministériu Obras Publikas Samuel Marçal mos fo ona orientasaun ba Instituto Gestão de Equipamentos e Apoio ao Desenvolvimento (IGEAD, I.P) hodi halo intervensaun ba Estrada sira ne’ebe afeta Dezastre Natural iha Munisipiu
Enkuantu, Daudaun ne’e ekipamentu sira husi IGEADI Timor Leste iha ona Terenu hodi halo normalizasaun ba Estrada Sira ne’ebe aat iha Munisipiu Lautém, Manufahi, Ainaro, Covalima no Bobonaro, Maibé Estrada Suku Lour ne’ebe sofre Dezastre Natural refere seidauk halo intervensaun, Maske Estrada Suku Lontas-Lolotoe hetan ona normalizasaun.
Jornalista: Marcela Lemos