Tane Konsumidor : Folin Sasan Sa’e Kauza Husi Taxa Selektivu Ne’ebe Aumenta

SAPNewsTL, DILI : Liu husi Peskija Associação de Defesa dos Consumidores de Timor-Leste (Tane Konsumidór), ba Loza Ruanulu (20) iha Segundu Trimestre hatudu katak folin Masi Midar kontinua Sa’e no Folin mina laiha mudança, Situasaun ne’e mosu tanba Kauza husi taxa Selektivu

Presidente Tane Konsumidor Antonio Ramos da Silva haktuir objetivu husi peskiza kona ba folin sasan ne’ebe sa’e no barratu, Nune’e bele ajuda consumidor sira bele hatene loja ida-idak hodi enkaminha sira ba ida ne’ebe mak barratu

“Peskija ne’ebe tane konsumidor foti iha segundo trimestre nian ita hahu primeiru iha fulan marsu, no segundu iha fulan Julhu no foti dadus ikus iha semana kotuk nia prinsipiu iha atu ajuda konsumidor sira, asesu ba informasaun liliu folin produto ne’ebe konsumidor sira nia familia konsumu.” Dehan Presidente TANE Consumidor Antonio Ramos Da Silva ba Jornalista sira iha sede TANE nian Quinta (06/07/23)

“Ajuda konsumidor sira mak oinsa jere osan ho osan ne’ebe naton, nia bele sosa produtu sira ne’ebe iha,metodolojia ne’ebe mak TANE uza mak analize Kauza ba efeitu se folin Sa’e karik, kauza ne’e saida”.

Nia hatutan, Peskija ne’e Hala’o iha loza 20 iha Postu Administrativu Dom Aleixo, Vera Cruz no Nain Feto

“Tane Hala’o Peskija ba 20 lojas iha Dili liliu iha Postu Nain Feto , Dom Aleixo no Vera Crus, Entre sira loja ne’ebe karun liu mak loja Familia First Supermarket Hudilaran, Produtu 20 hanesan konsumidor ida gastu 61,25 Dolar barato liu 46,20 iha loja Grasa Shop Comoro”. Nia dehan

Nia akresenta, Iha analize rejultadu iha produto balun ne’ebe ninia folin Sa’e no balu nafatin, iha mos tendensia hanesan foos ne’ebe baratu liu iha 12, 50, agora nia tun ba 12,25 maibe tendensia Sa’e fali ba 14.50 iha Primeiru Trimestre maibe nia Sa’e ba 17,50 iha Segundu Trimestre ida ne’e Nian

“Masi midar kilo 1,iha $1 dolar to’o $2 dolar, ida ne’e ba primeiru trimestre, iha segundo trimestre ne’e $1 Dolar Sa’e to’o $2 dolar”.

“Produtu ne’ebe folin nafatin mak hanesan serveja 250 mililitru ne’e iha primeiru Trimestre $1 dolar to’o agora hanesan ita hotu haree no hatene katak sasan balu folin Sa’e no balu folin tun hanesan mos mina folin nafatin laiha mudansa, Portantu Loza 21 ne’ebe Hala’o ona Peskija ne’e kategoria iha tendensia folin Sa’e”.

Nia klarifika, Folin Sasan Sa’e tanba Kauza husi impostu selektivu ne’ebe mak aplika ba masi midar no bebida sira ne’ebe hanesan cocacola, fanta, Sagres, no seluk tan

“Fator ida mak nia mobilidade tanba iha portu foun ne’e nia aplikasaun taxa ne’e Hasa’e husi 2,5% ne’e fo impaktu boot ba ita, dala barak distribuidor sira hatama fali produtu sira ne’e mai husi Terrestre no Portu Tibar

Enkuantu, Tane Konsumidor husu ba autoridade halo avalisaun, fornesedor sira ne’e kumpri duni ona lei presu justu tuir dekretu lei numero 29/ 2011 Ka Seidauk

Jornalista : Esmeralda da Silva