Selebra Loron EhD, MSSI Deklara Apoia Pontual EhD Ne’ebe Moris Susar

SAPNewsTL, DILI: Iha Âmbitu Semináriu Nasionàl Ne’ebe halo Selebrasaun Dahuluk Loron Nasionàl Ba Ema Ho Defisiensia Iha Timor-Leste, Diretor Nasionál ba Promosaun ba Direitu Humanu Portadores Defisiensia (DNPDHPD) MSSI, Mateus da Silva hateten, Tinan ida ne’e MSSI fo apoiu ba organizasaun Ema ho Defisiensia (EhD) 7 hanesan AHDMTL, Klibur Domin, São João de Deus, Mari Yosep, no Madre Alma sira.

Diretur DNPDHPD ne’e haktuir, apoiu ida ne’e atu ajuda organizasaun sira, organizasaun sira mós ajuda governu para atu hala’o servisu ba inkluzaun sosial liga ho Defisiensia sira nia nesesidade, oinsá promove sira

“Governu kontinua asegura organizasaun EhD sira para atu servisu liu husi meius oin-oin, hanesan ida mak estudu nasionál, liu husi assistênsia sosial, ita kontinua apoiu ai-han ba maluk sira”.

“Bainhira ita halo asesumentu atu identifika maluk ho defisiensia sira ne’ebé mak sira nia kondisaun moris ne’e susar. Entaun sira bele hetan apoiu pontual”.

“Agora ami simu ona rezultadu asesmentu liu husi relatoriu sosial sira, entaun ekipa sei halo avaliasaun ba proposta sira ne’e, hafoin sé mak elizibel para atu asesu ba apoiu kulturál”. Dehan Diretor DNPDHPD Mateus da Silva ba jornalista iha salaun ministeriu transporte i komunikasaun (MTK) iha Mercado Lama, Sesta (07/7/23)

Nia hateten, Governu kontinua servisu hamutuk ho organizasaun EhD sira atu establese konsellu nasionál ba maluk Defisiensia sira, nune’e mós asegura atu implementa koneksaun direitu ba EhD liu husi estadu Timor-Leste ninia komitnentu ne’ebe ratifika tiha ona konvensaun

Iha fatin hanesan, Diretor Asosiasaun Defisiente Timor-Leste (ADTL) Sezariu da Silva informa MSSI apoiu fundu ida apoiu instituisional ba Organizasaun sosiedade sivil hotu hotu

“MSII ninia Apoiu Fundu ne’e fundu instituisional ne’ebe iha, ba organizasaun sosiedade sivil hotu-hotu, liu-liu organizasaun hirak ne’ebé halo servisu karitativa”. Nia dehan

Nia akresenta, “ADTL nia membru sira mak asesu ba fundu ida ne’e, fundu ida ne’e hodi tulun organizasaun membru sira hodi hatan ba aktividades sira ne’ebé membru sira halo ba EhD”.

Enkuantu, Loron Nasionàl Ba Ema Ho Defisiénsia iha Timor Leste ne’ebe Parlamentu Nasional dekreta maka Loron 4 Jullu Nu’udar Loron Nasionàl Ba Ema Ho Defisiénsia Sira.

Partisipa Iha Semináriu Nasionàl ne’ebe halo hodi Selebra Loron Nasionàl Dahuluk ne’e mai husi Entidade Guvernu liliu Ministériu Solidariedade Sosial no Inkluzaun, Sekretaria Estadu Igualmente no Inkluzaun, Organizasaun sosiedade sivil no parseria Sira

Jornalista : Ermelinda Soares