Estudante DIT Identifika Monumentu Istoriku 8 Iha Manufahi
SAPNewsTL, Dili: Estudante Dili Institute of Technology (DIT), Fakuldade Turizmu no Ospitalidade, Departamentu Viajem Turizmu Hala’o peskiza hodi buka hatene klean liu kona ba monumentu istoriku iha Munisipiu Manufahi hodi promove no hamorin liu tan munispiu Manufahi ho fatin istoriku.
“Ami estudante nain neen husi Munisípiu Manufahi Postu Administrativu Alas, Fatuberlihu, Same, no Turiskai Ne’ebe Hala’o ami nia estudu iha Dili Instituito of tekologia (DIT) Fakuldade Turismu no Ospitalidade, Departamentu Viajem Turizmu durante ne’e, ami hala’o peskiza kona ba monumentu iha munisipiu Manufahi, nune’e ami hetan monumentu no fatin istoriku 8”, dehan estudante Daria Miranda Lina Amaral, ba jornalista iha Salaun DIT Manleuana, Dili kuarta (28/06/2023).
Daria hatutan, sira La’o peskiza iha loron ida deit kestaun tanba iha Munisípiu Manufahi ne’e Postu Administrativu 4 no sira nain neen mak La’o ba halo peskiza
Nunee sira fahe malu tuir postu administrativu ida idak nian deit hodi habadak tempu ba peskiza ne’e nian, sira sente kontente tanba bele hetan buat foun no esperensia Hirak ne’e bele tulun sira hatene diak liu tan monumentu istoriku iha munispiu manufahi nian ba fururu bele promove fatin sira ne’e.
Nia informa, sira nia peskiza monumentu antigu iha Manufahi hamutuk 8 iha Fatuberlihu ida ho naran Patun Santo de Lisboa hari’i iha tinan 2018, Alas iha monumento rua mak prizaun antigu Weberek, monumentu Metioan konesidu ho rate mean hari’i iha 2020
Turiscai iha monumento ida, puzada antigu Kotis hari’i iha 1948, Same iha monumentu ha’at kristu Rei hari’i iha tinan 1986, igreja Ave Maria same hari’i iha tinan 1933, tange de Guerra, Dom Boa Ventura hari’i tinan 2012.
Enkuantu, sira husu ba estadu no parte relavante sira hodi dezenvolve monumentu hirak ne’e no bele desevolve diak liu tan ba destinasaun iha futuru oin mai no bele hafurak liu tan Munisípiu Manufahi no munisipiu manufahi mos bele konesidu mos hanesan munisipiu sira seluk.
Entretantu, Estudante nain neen halo peskiza mak Elio Santos Tilman, Daria Miranda Lina Amaral, Jenifer dos Santos, Joao da silva, Benidita Fatima no Miranda Sarmento.
Reportajen: Antonio Tilman.
