ESTUDANTE ENJEÑARIA SIVIL FECT-UNTL HERA HALO ESTUDU KOMPARATIVU BA SISTEMA BE’E IHA IRRIGASAUN LALEIA-MANATUTU
Sapnewstl. (Laleia-Manatuto, 03-04-2022): Estudante Departamentu Enjeñaria Sivil Fakuldade Enjeñaria Siénsia no Teknolojia UNTL hamutuk nain 13 halo estudu komparativu ba sistema bee iha irigasaun Laleia-Manatuto.
Iha entrevista ho estudante Engenaria Sivil Semester VII, Claudia Sedelizia Cabral hateten objetivu husi vizita ne’e atu haree lala’ok irigasaun mota Laleia nian ne’ebé fornese bee ba natar, sira ne’ebé iha área Laleia Munisipiu Manatuto no Vemasse Munisipiu Baucau.
Nia akresenta tan katak objetivu seluk husi estudu ne’e atu halo mos komparasaun diretamente ba teoria ne’ebe aprende iha universidade inklui atu halo traballu ka planu irrigasaun ba futuru wainhira iha projetu. (Tenik Claudia ba Media Sapnewstl).
Iha fatin hanesan, Xefe Ekipa Estudu Komparativu Benignu Servilano Valensa realsa katak, “estudu komparativu ida ne’e hala’o mai husi iniasiativa no vontade rasik husi ami estudante Enjeñaria Sivil Hera ne’ebé konsege forma ekipa estudu ida hodi halo estudu kona-ba lala’ok irigasaun ba sistema bee ne’ebé kanaliza husi irigasaun ba natar sira iha Laleia no Vemasse.
Xefe Ekipa ne’e hatutan katak liu husi estudu ne’e fo vantajem ne’ebé bo’ot ba ekipa ne’e rasik tanba bele eleva ami nia kuñesimentu sientifiku no tekniku liu-liu oinsa bele hatene sistema drenagem iha area Laleia-Manatuto nian.
Entretantu, nia subliña tan katak Ekipa Estudu Komparativu ne’e iha esperansa ba futuru sei vizita tan ba konstrusaun sira ne’ebé relevante ho area Enjeñaia espesialmente iha parte Enjeñaria Sivil. Dehan Servilano Valensa ba Sapnewstl iha Laleia-Manatuto
Tuir observasaun nota katak Iha estudu ne’e, Ekipa Estudu Komparativu hamutuk nain sanulu resin tolu (13) mak konsege hola parte iha estudu ida.
Jornalista : Sergio Delekuar
Editor : Germano Noko-ili