TL Poténsia Ba Sítiu Turístiku, Guvernu Seidauk Seriu Investe Iha Turizmu
SAPNewsTL, Dili : Timor-Leste Hanesan Nasaun Ida Poténsia Iha Sítiu Turiztiku, Investimentu Iha Setor Turizmu Nu’udar Dalan Hametin Identidade Nasional, Reduz Pobreza no Dependensia ba Fundu Petroleum, Aumenta Taxa, Kria Empregu no Lori moris diak ho kualidade ba Povu Timor-Leste.
Hanesan ita hotu hatene, Turizmu mai husi lian latin “tornus” gregu “tornos” katak an extended journey visiting places of interest along the route signifika ema ida-idak hatutan ninia jornada de vizita ba fatin sira ne’ebe tuir nia mais interesante ho objetivu hodi halo paseiu, feriadu, atividade relisioso no enkontru sira. iha 1987, tuir Sienstista A. J. Burkat husi London hateten turizmu iha modalidade haat: Turizmu Resistensia/Históriku, Natureza, Kultural no Reliziosa.
Bazeia ba Politika Nasional Turizmu hatur pilar lima mak : Sentidu Prioridade, komprimisiu ba prosperiedade povu, jestaun ba protesaun rekursu natural no kultural ne’ebe dignu, haburas parseria no ema nu’udar nukleu.
Iha 2018, Bazeia ba Konferénsia Internasional Geo-Siénsia, tuir resultadu peskija Unidade Sientista Jeolojia Timor-Leste (USJTL) iha Munisipiu Ainaru, Baucau, Bobonaru, Ermera, Lautem no Dili identifika Geoturizmu Potensial hamutuk 116 no entre sira fatin 8 mak mais estratégiku hanesan Geoturizmu Area Parke Nasional de Nino Conis Santana, monte Legumau, foho Matebian, foho Ramelau no Kablake, foho Leolaku, foho Ossuala no Ariana, Planaltu Baucau no illa de Atauru.
Komforme Peskija Asosiasaun dos Geologus de Luro iha tinan 2022 durante fulan tolu, dadus hatudu katak Luro Poténsia tebes ho Sítiu Turistikus hamutuk 36 entre sira sítiu neen mak mais poténsial hanesan geoturizmu Legumau, Foho Hafa-Hafa, Bee-tudak Hopo, Fatuk-Kuak Assamana, Fatin Históriku Besi-Manas no Gruta Nossa Senhora de Fátima Barikafa.
Tuir Dadus SEFOPE, Timor-Leste nu’udar nasaun kiik ne’ebe nakonu ho fatin estrategiku no beleza natural sira atu desenvolve sai fatin turistiku. fatin resistensia mak hanesan Waimori, Laline Larigutu, Mehara, Mausiga, Datina, Soru Kraik, Aiceo, Rekiraka, Besi-Manas Luro no sira seluk ne’ebe seidauk identifika. Fatin Historia no Kultura orijem hanesan Uma Lulik sira, iha mos riku ba natureza hanesan Mota Bandeira, Lagoa Sloi-Kraik, Be Manas Marobo, Be Malae, Be Susuben, Lagoa Bikan-Tidi, We Lenas, Doko-mali, Lagoa Natural Lou-lio Luro no sira seluk tan.
Geoturizmu hirak ne’e Guvernu tenki Desenvolve no kria supra no infraestutura adekuadu hanesan halo Estrada, ponte, bee no saneamentu, uma ba turista sira no hospital, tan turizmu sei fo retornu ba estadu, Timor sei sai país atraiante ida iha mundu, tan ho nia paisajem natural no kultural sira, Tasi ne’ebe moos ezemplu illa de Jaco, Bee-tudak Hopo Luro no seluk tan ne’ebe ho ambiente matak, buras no freska tebes. Tanba Desenvolvimentu husi fatin sira ne’e atu hametin Identidade Nasionál ne’ebe liga ba Prinsipiu Patriotizmu no Nasionalizmu Nasaun nian.
Kuandu ita tau prioridade no investe seriu hodi proteja turizmu maka sei lori benefisiu ba iha makro-ekonomia liliu kriasaun empregu, reduz ki’ak, aumenta taxa no hamenus dependensia ba fundu minarai.
Ita observa dala barak, ema soe foer arbiru, tesi ai arbiru, sunu rai arbiru no estraga ita nia biodiversidade sira, geodiversidade no diversidade cultural sira. Portantu ita tenki konsensializa konsiensia komunidade nian para evita hahalok degradasaun ka destruisaun ba ita nia ambiente ne’ebe favoravel, konfortavel, seguru no moos nune’e bele influensia turista sira.
Guvernu ida ne’e presiza investe makaas iha turizmu ho 6% husi Orsamentu Jeral Estadu kada tinan, tan turizmu hanesan setor produktivu no alternansia ba diversifikasaun kreximentu ekonomia ne’ebe serteza bele lori bem estar ba Povu no Nasaun.
Hamutuk ita desenvolve, promove, preserva, proteja, prioritiza, konserva fatin turistiku sira no haburas parseria para lori prosperiedade ba povu no alkansa desenvolvimentu povu ida modesta, gradual no sustentavel ba Povu Timor-Leste.
Hamutuk ita investe husi turizmu, iha turizmu ho turizmu ba Timor ida buras,furak no desenvolvidu ba ema hotu. Forsa no Susesu ita hotu.
Hakerek Nain : Sergio da Costa