Estudante no Gerentes Universidade da Paz Hala’o Peregrinasaun Ba Estátua Kristu-Liurai Letefoho Munisipiu Ermera

Sapnewstl. (Ermera, 12 Marsu 2022) : Estudante no Gerentes Universidade da Paz hala’o peregrinasaun ba Estátua Kristu-Liurai Letefoho hodi reza, rekreasaun no reflexaun hamutuk hametin ispiritu fraternidade, amizade no unidade hanesan familia ida iha UNPAZ.

Foto peregrinasaun estudante UNPAZ no misa Agradesimentu iha Estátua Kristu-Liurai Letefoho, |Sabadu, 18-03-2022| imagem sapnewstl-jornalista Ariqui Crisanto Colo

Estudante no Gerentes Universidade da Paz hala’o peregrinasaun ba Estátua Kristu-Liurai Letefoho hodi reza, rekreasaun no reflexaun hamutuk entre estudante sira ho dosente no disente sira.

Iha intrevista ho estudante Isac da Silva Fernandes hateten, ha’u sente kontente teb-tebes wainhira partisipa iha programa peregrinasaun ida ne’e, tanba bele fanun ami no inspira ami oinsa bele hametin no haboot ami nia fiar ba maromak liu husi hatudu ami nia domin, dame, laran diak no hahalok siviku entre ami estudante sira no professores sira iha UNPAZ.

Isac mos hatutan objetivu husi peregrinasaun ida ne’e atu hametin liu tan ami nia ispiritu fraternidade, amizade no unidade hanesan maun alin no familia ida iha iha Universidade da Paz ne’ebe mai ho hanoin ida atu aprende, buka matenek no prepara an hodi partisipa iha desenvolvimentu nasional.

Iha Fatin Hanesan Alexandre Cab konsidera peregrinasaun nu’udar momentu ida ne’ebe importante tebes, krusial no fundamental, iha ne’ebe bele inspira, eduka no motiva ami oinsa sai joven eh estudante ida hatene hakraik an, laran maus, fiar nain, domin nain, dame nain no senti iha responsabilidade ba familia, sosiedade no nasaun.

Alex mos agradese no apresia ba Universidade nia programa ida ne’e tanba bele fo mai espiritu disciplina, badinas, esforsu no desizivu oinsa bele enfrenta dejafiu no hakat ba oin ho esperansa. Tenik Alex ba Ariqui Crisanto Colo.

Enkuantu iha atividade peregrinasaun ida ne’e hetan partisipasaun mos husi Gerente Universidade da Paz, Komunidade Letefoho no Estudante Universidade da Paz. Tuir observasaun husi Media Sapnewstl nota katak atividade refere ensera ho misa agradesimentu husi Pe. Juvito. Husi Ermera-Letefoho Ariqui Crisanto Colo nia reportagem ba Sapnewstl.

Jornalista : Ariqui Crisanto Colo Editor : Luis Pailofo