ChildFund, APFTL & ETI Dili Lansa Programa Online Safe Ba Estudante Sira
SAPNewsTL,Dili : ChildFund, APFTL no Eskola Tècnika Informática(ETI)Hala’o Lansamentu Projetu (Online Safe) Segurança Online Abordagen Sistematiku Internet Seguru ba estudante sira sira
Tuir Diretor ETI Díli Antonio Moniz hateten Eventu ne’e ko’alia kona ba projetu Online Safety Regional Project Abordagem Sistematiku ida hodi halo internet segura ba labarik sira,projetu Regional husi ChildFund ne’ebe mak implementa mos iha nasaun haat mak hanesan Vietnam,Kambodia,Indonesia no Timor-Leste.
ChildFund Timor Leste ninia Projetu ne’e hanaran Swipe Safe, Projeitu ne’e hodi asegura seguransa online ba labarik no joven sira
“Childfund Timor-Leste hala’o ninia projetu ida hanaran Swipe Safe hanesan mos programa inovador seguransa online ida ne’ebe destina atu aumenta ambiente protesaun ba labarik no joven sira, tantu ho meiu online ativu iha internet laran ka offline ka Fora husi Lina internet”.Tenik Antônio Moniz ba Jornalista sira iha Dili, 23/08/2023
Direktur ne’e hatutan, Programa Swipe Safe ne’e sei implementa nia atividade iha munisipiu Díli no Lautém
“Liu husi programa Swipe Safe ne’e sei hala’o iha Munisipiu Dili no Lautém,ita sei atinji joven sira no inan aman Sira kuidador komunidade no organizasaun hirak ne’ebe iha servisu apoiu ba joven sira hodi kria ambiente ne’ebe seguru ba joven sira iha meiu Offline no Online”. Nia subliña
Childfund Timor-Leste halo sensibilizasaun kona ba risku online sira oinsa atu jere risku ne’e iha nivel komunidade no estabelese sistema apoiu ne’ebe bele proteze labarik no joven sira
Intervensaun esensial hirak ne’e programa Swipe Safe kompleta inan aman no kuidador sira ho konesementu atu identifika risku sira no adota estratejia sira,halo parseiru ho eskola sira no grupu relijiosu sira seluk, negosiu sira, Polisia no governu hodi promove seguransa online
Projetu ne’e sei halo durante tinan tolu hahu iha loron 1/07/2022 to’o 30/06/2025 no kobre munisipiu rua mak hanesan Díli no Lautém iha eskola pré sekundaria no sekundaria hamutuk Escola 15 iha munisipiu Díli no 10 iha Munisipiu lautém
Chilfund servisu hamutuk ho parseiru Implementador Alummi Parlamentu Foinsa’e Timor-Leste selesiona ona 26 Fasilitador sira no fornese ona formasaun ba formador Sira(TOT) uza modúlu inovativu Swipe Safe nian ba joven, inan aman,no kuidador no responsável sira kona ba seguransa Online.
Projetu ne’e tuir trajeto sei fornese treinamentu ba joven sira estudante iha nível sekundaria hamutuk 5000 no inan aman hamutuk iha 1000,treinamentu ba joven Sira sei halo dala tolu kada oras tolu no ba inan aman Sira dala Ida.
Jornalista: Aquelina Mangalhães & Zenoveva Lopes Sarmento