UNFPA & TICA Halo Avaliasaun Ba Area Parteira Iha UNTL, ISC No ICS
SAPNewsTL,Dili : United Nacions Population Fund(UNFPA) servisu hamutuk ho Agensi dezenvolvimentu internasional Thailand (TICA), halo Avaliasaun ba eskola superior tolu ba area Parteira iha Universidade Nasional Timor Lorosa’e (UNTL), Intitutu Superior Cristal (ISC) no Institutu Ciensia Saude (ICS) hodi redus mortalidade inan
Tuir Representante UNFPA Pressia Arifin hateten katak UNFPA nia esforsu ida mak haforsa kapasidade fornesimentu pilar saude parteira nian hodi hanemus mortalidade inan iha Timor-Leste
“Ha’u apresia tebes ba equipa husi TICA ho nia membru no mos Direktur Rekursu Humanu Ministériu Saúde, Iha loron hirak ne’e UNFPA halo esforsu bo’ot ida atu hare ba asuntu ida kona-ba estudu ba parteira sira, UNFPA nia prioridade ida atu dudu prosessu hotu-hotu hodi redus mortalidade inan husi 195 ba 70 por 100 mil nacido vivos iha rai laran”.
“Esforsu ida entre esforsu barak-barak mak atu haforsa ou reforsa kapasidade fornesedor pilar saude, liu-liu Médiku sira ho parteira sira iha Timor-Leste” Dehan Representante UNFPA, Pressia Arifin ba Jornalista sira, iha salaun UNFPA caicoli,Quarta-feira(23/08/2023)
Nia saleinta katak UNFPA servisu hamutuk ho delegasaun husi TICA atu hare asuntu hotu-hotu ne’ebe liga ho edukasaun ba parteira sira hodi melhora kualidade edukasaun nune’e bele hadia kualidade forsa trabalhu ba komunidade sira
Nia haktuir katak durante loron tolu ne’e equipa husi TICA halo asismentu ba ensinu superior tolu hanesan UNTL, ISC no ICS. Iha assismentu ne’e parte tolu, ida mak kurikulum ne’ebe mak la hanesan
“Iha loron tolu(3), ne’e equipa TICA halo nia avalisaun ba eskola parteira tolu iha Timor-leste, eskola UNTL, Cristal no ICS, saida mak sira hetan husi avaliasaun ne’e. Primeiru mak kurikulum, kurikulum ne’ebe mak implementa ou estabelesidu iha eskola tolu ne’e iha diferensa”.
“Ita hakarak hadia kualidade, parte kualidade presija kurikulum ida ne’ebe uniforme ne’ebe la’o tuir padraun internasional. Atu atinge padraun internasional ita tenke halo esforsu, nune’e bele hadia kualidade, oinsa sira pratika buat ne’ebe aprende molok sira ba halo sira nia servisu”Informa nia
Representa UNFPA ne’e informa tan katak alende kurikulum ne’ebe mak la hanesan, iha mos taxa rasiologi husi professor ho estudante sira no
“Pontu segundu ne’ebe equipa ne’e hetan mak taxa de rasiologi husi professor ho estudante. Professor ho estudante iha eskola sira iha ensinu rua ida iha klase no ida seluk iha klinika ou fasilidade”.
Nia akresenta, “Rasia entre ita koalia reseptoria ne’ebe hanorin iha klinika ou fasilidade sira ne’e. Estandar ne’ebe ita rona husi peritu sira ne’e preseptor ne’e tau matan ba nain lima(5) maibe iha ita nia rai preseptor ida bele tau matan ba ema tolu nulu(30) ou ha’at nulu(40), maibe ne’e nafatin numeru ne’ebe bo’ot”.
UNFPA fiar katak ho investimentu ne’ebe mak bo’ot sei hasa’e kualidade liu husi halo uniformiza kurikulum, hasa’e numeru professor liu-liu preseptor sira no instrutor klinika sira, fornese material ne’ebe relevante nune’e bele hasa’e kualidade no hatun tan mortalidade inan
Iha fatin hanesan, Thailand cooperation agecy TICA, Lieutenant Sorawud Preededolok hatutan katak.”TICA ne’e agensia internasional ne’ebe servisu hamutuk ho Ministériu Negosiu Estranjeiru Thailandia nian desde 2001 no koperasaun teknika ne’e iha 2022″
,”Kooperasaun bilateral husi nasaun rua ne’e bolu Programa Postgraduasaun Internasional Thailand, sira investe mais ou menus 2.9 Milloens dolares Americano, ba programa postgraduasaun nu’udar fo bolsu estudu no to’o agora sira fo 619 oportunidade ba Timor oan”.
Enkuantu, Kooperasaun Thailandia ho Timor-leste ne’e foka liu ba melhora efikas iha Sistema servisu Saúde, Agrikultura, Dezenvolvimentu Sustentável iha nacoens Unidans nia mandat
Jornalista : Marcela Mery da Costa