Falta Eskola Lakon Tempu Ba Treinu, Jogador Selesionadu U-16 Husu FFTL Labele Repete
Imajen intrevista Jogador selesaun nasional U-16 ,iha kampu demokrasia Bairo Formosa, Díli Sabadu,1/10/2022.
SAPNewsTL, Dili : Kapitaun Selesaun Nasional U-16 Luis hateten, sira sente triste los tanba Federasaun Futebol Timor Leste (FFTL) kansela sira nia viazen ba kompete kualifikasaun AFC U-17 2022 iha Kazakhstan maski sira halo ona preparasaun durante fulan ida ho balun
“Ami nu’udar jogador sente triste tanba durante fulan ida ho balun ami treinu maka’as tebes no ami balun la tuir apredijajem iha eskola maibé to’o hela loron ida iha loron 28 fulan Setembru ami atu aránka, FFTL kansela ami nia viajen hodi kompete kualifikasaun AFC U-17 iha Kazakhstan “. Dehan jogador selesaun nasional U-16 ba jornalista sira iha kampu demokrasia Bairo Formosa, Díli Sabadu,1/10/2022.
Jogador ne’e akresenta, Kanselamentu ne’e la’os sira de’it mak triste maibé sira nia inan aman mos triste tan ne’e sira husu ba FFTL tau matan nafatin ba sira hodi bolu sira fila fali tur hamutuk halo esplikasaun klaru ba sira atu nune’e labele halo tan problema ne’e akontese tan iha futuru tanba sira treinu lakon tempu.
Luis hatutan, desizaun FFTL foti ne’e fo impaktu ba sira nia kareira iha futebol maibé sira sei prontu kontinua treinu nafatin atu nune’e nafatin hodi reprezenta nasaun Timor Leste iha jogu internasional sira tuir mai.
“Desizaun FFTL foti ne’e fo impaktu mai ami nia kareira iha futebol maibe ami sei prontu kontinua treinu nafatin atu nune’e nafatin hodi reprezenta nasaun Timor Leste iha jogu internasional sira tuir mai”. Tenik Luis
Jornalista: Augusto dos Santos