Falur Sorumutu Ho PR Horta, Ró Rua Sei Mai TL
SAPNewsTL (Dili) : Xefe Estadu Maior Jeneral F-FDTL Tanente Jeneral, Falur Rate Laek hala’o enkontru ho Presidente da Republika Jose Manuel Ramos Horta iha Palasio Prezidensial Nicolau Lobato Bairo-Pite sexta-feira ne’e.
Hafoin partisipa Iha enkontru semanal ho sua excelensia Presidente Republika,ba Jornalista sira, Tanente Jeneral Falur hateten, Ramos Horta husu opinião tanba tempu badak sei viagem ba Australia
“Atualiza situasaun normal forsa ninian no mos asuntus kritiku sira Instituisaun F-FDTL nia laran, Presidente husu ami nia opinião para depois tempu badak ba Australia”. dehan Tanente Jeneral Falur Rate Laek iha Palasio Prezidensial Nicolau Lobato Bairo-Pite, (02-09).
Aliende ida ne’e Tanente Jeneral FALINTIL Forsa Defeza Timor Leste Tanente Jeneral Falur Rate Laek haktuir kona-ba ró rua sei mai Timor Leste.
“Ko’alia kona ba Ro Naval rua ne’ebe sei oferese husi Austrália ida ne’e média no públiku hatene tiha ona katak tinan 2023 sei to’o mai iha Timor Leste”, tenik Tanente Jeneral Falur Rate Laek.
Iha Fulan Junhu foin lalais ne’e Tanente Jeneral F-FDTL Falur Rate Laek rasik ba halo lansamentu fatuk dahuluk iha Irapet,cidade TEL, fatin ne’eba framuntel ho kompanha Australia
Entertantu, kona-ba Portu Naval iha Hera dadauk ne’e Australia mak halo hela prosesu konstrusaun hodi prepara ba Ró Naval ne’ebe sei mai iha tinan 2023.
Jornalista : Vinsensius Saldanha Morais De Araujo
Editor : Luis Pailofo