FECT-UNTL Selebra Natál & Tinan Foun Ho Reflesaun

SAPNewsTL, Dili : Fakuldade Enjenaria Siensia no Teknolojia UNTL realiza reflesaun hodi selebra loron natal no tinan foun 2023 ho tema “Festa Natal FECT-UNTL seja um caminho para a paz, fraternidade e centro excelensia em Timor Leste”, Tuir  Vise Ministru Petróleo no Minerais Vitor Soares katak adventu ida ne’e importante tebes atu halo preparasaun ba ema ida-idak oinsa estudante sira bele hametin  paz no armonia iha futuru fakuldade nian hodi moris iha estabilidade.

“Adventu ne’e ezize ita paz, estabilidade, armonia no esperansa ba futuru ne’ebé mak ita iha hanesan tradisaun ne’ebé mak ita moris ho abut ne’ebé metin iha rai ne’ebé ita rasik moris no periodo adventu ne’e hodi mai fanun ita, estudante no joven sira oinsa atu banati tuir saida mak iha pasadu, ita halo ona no hakotu  pasadu hodi simu Moris foun”. Dehan Vise Ministru Petróeo no Minerais Vitor Soares ba jornalista iha fatin Auditorium FECT-Hera, Tersa-Feira, 20/12/22.

Governante ne’e mos husu ba joven, estudante no dosente sira atu iha Natal no tinan foun ne’e halo  refleksaun hodi haree ba pasadu hodi moris foun no simu fali futuru foun, espiritu foun no tenke halo refleksaun atu  fakuldade enjenaria siensia no teknolojia ida ne’e tenke sai modelu ba fakuldade sira seluk,

“Husu ba dosente, no estudante sira  hotu iha fakuldade ne’e tenki sai lalenok ba fakuldade sira seluk hodi lori domin ba familia, viziñu no sosiedade sira ne’ebé mak ita hela ba, iha munisipio ida-dak nian”. Tenik nia

Iha Fatin hanesan Frater Bruder Jhon  hateten iha tempu natal no tinan foun ne’e konvida ema hotu atu halo refleksaun liliu ba estudante sira atu halo mudansa ba nia an rasik

“Atu dezenvolve ita nia an nu’udar joven no estudante ne’ebé mak di’ak, ita tenki hamonu ita nia matan been hodi hateke ba  ita nia futuru no joven hotu hakarak muda mundu maibe laiha joven ida mak muda nia an rasik, joven ne’e tenke iha mundansa radikal ba ita nia an no bele troka imi nia pasadu hodi simu espiritu futuru oin mai , joven tenki aprende Lee biblia, reza tersu no halo misteriu iha ita ida-idak nia familia, vizinu, no sosiedade ne’ebe mak ita moris hamutuk”. Frater hatete

Frater ne’e hatutan iha realidade moris sempre hasoru problema iha pasadu maibe tenke hateke fila fali ba ita nia an iha natal no tinan foun ne’e atu bele lori netik prezente furak ida ba inan aman sira.

“Joven no estudante feto no mane tenki hodi prezente furak ba inan aman iha tempu natal no tinan foun hodi hakuak no monu ain nu’udar prezente furak husi oan ba inan aman no familia no sosiedade sira iha natal no tinan foun hodi dezenvolve ita nia an nu’udar joven no estudante ne’ebe mak matenek kualidade no nakonu ho vida espiritual ba futuru oin mai”. Nia realsa

Entretantu,  Dekanu Fakuldade Enjeñaria Siensia no Teknolojia UNTL Adalfredo Ximenes akresenta natal konjutu ida ne’e halo  ho estudante sira atu prepara  nia an didiak hodi simu nai Jesus Kristu ne’ebe moris, husik pasadu simu espiritu foun ba tinan foun ne’ebe mai

“Ba estudante Fakuldade Enjeneria  ne’ebé mak ohin ita halo sorumutu hodi natal no tinn foun hamutuk ho dosentes funsionario tomak halo refleksaun ho konsensia hodi muda pasadu iha tinan ida nia laran hodi simu fali moris foun iha tinan oin mai, dala ida tan boas festas do santo natal i feliz ano novo ba ita hotu”. Tenik Dekanu FECT-UNTL Adalfredo Ximenes

Jornalista  :  Antonio Tilman

Editor         : Luis dos Santos