Fo Bolsa Estudu Ba Timor Oan, UNS Sei Servisu Hamutuk Dezenvolve Desportu TL
Imajen Intervista Dony A Kusuma
SAPNewsTL, Dili: Iha Seminariu ba Treinador sira, Vise-Prezidente Comite Nasional Olímpiku Timor Leste (CONTL) Mateus Da Cruz hateten Universitas Negeri Surabaya prontu fo bolsu estudu iha área desportu ba Timor oan hodi estuda iha Surabaya.
“Sira prontu fo bolsu estudu, ne’ebé ohin loron halo semináriu loron ida de’it hein katak treinador sira bele aproveita hetan esperensia husi orador sira ne’ebé CONTL konvida mai husi Universitas Negeri Surabaya tanba CONTL asina MoU ho universidade ne’e”. Tenik Vise Prezidente iha Pusat Budaya Indonesia, Dili, 29/09/2022
Imajem Intervista Vise-Prezidente Comite Nasional Olímpiku Timor Leste (CONTL) Mateus Da Cruz
Vise prezidente ne’e hatutan, Universitas Negeri Surabaya mai loron ida no planu ne’ebé CONTL hamutuk universidade ne’e aprezenta ona ba Sekretariu Estadu Juventude no Desportu (SEJD) katak sira prontu mai fila ho ema ne’ebé eskala bo’ot atu ajuda treinador sira.
Entretantu, orador husi Universitas Negeri Surabaya Dony A. Kusuma hateten sira mos planu sei fila mai Timor Leste iha tempu badak atu ajuda treinador no mestre desportu sira atu dezenvolve área desportu iha nasaun ne’e tanba sira haree Timor Leste nu’udar nasaun parseiru ka viziñu atu nune’e la’o hamutuk dezenvolve desportu.
Enkuantu Dony fundamenta, ohin loron partisipante sira sente buat foun ba sira tanba importante atu dezenvolve desportu ne’e oinsa individu bele dezenvolve desportu rasik liu husi fasilidade sira ne’ebe iha
Jornalista: Augusto dos Santos
Editor: Luis dos Santos