Foinsa’e Na’in 4 Komete Kazu Suisídiu, Fulan Ne’e Estudante UNPAZ No UNTL Na’in 2 Tara An

SAPNewsTL, Dili : Hafoin Estudante Universidade Nasionàl Timor Lorosa’e (UNTL) Fakuldade Siénsia Exatas Manecas Ramos da Gama Ne’ebe Tara An iha Loron 19 Maiu, Semana Kotuk Mais ou Menuz tuku 5:00 Madrugada iha Nia Kost Aí-Mutin, Munisipiu Dili. Ho Laran Tristeza, Estudante Rolando Ramos Magno hateten buat Ida tara an ne’e laos Solusaun ba problema saida deit iha moris ne’e, tara ne’e moruk no kanek, ema hotu tenki tahan an hasoru problema mundu nian tanba moris ne’e presente no grasa Maromak nian

Iha Fulan Maiu 2023 Ida ne’e mosu Kazu Suisídiu nain 4, hanesan Kazu Joven Feto ida husi Universidade da Paz ne’ebé tara an iha nia Rezidensia Fatuhada, Dili, 06 Maiu, maiz ou menuz tuku 10: 00 dader, Kazu Hánesan Mosu mos feto Foinsa’e ida iha Suku Vairoke, Postu Administrativu Luro Munisípiu Lautém, 15 Maiu, Iha sorin seluk, Estudante UNTL Manecas Ramos da Gama mos tara an iha Aimutin-Dili, 19 Maiu, Foinsa’e feto ida ne’ebe sei estuda iha banku sekundaria mos tara an iha Munisipiu Manufahi, Postu Administrativu Turiscai, 26 Maiu 2023

Amigu Matebean Manecas nian, Atuàl Presidente Reunião Geral Assembleia Assosiação Faculdade Ciensia Exatas (FCE) UNTL Rolando Ramos Magno sente triste tebes tanba la imajina Universidade no Família bele lakon nia Estudante Ka Oan diak ida Ne’ebe Kómiku, animador, simples, sempre halo Ema seluk hamnasa no fo ksolok ba ema

“Buat Ida tara an ne’e laos Solusaun ba problema saida deit iha moris ne’e, tara ne’e moruk no kanek, ema hotu tenki tahan an hasoru problema mundu nian tanba moris ne’e presente no grasa Maromak nian”,

“Maun Manecas, Nia Estuda iha FCE-UNTL, iha Banku 5 Ano, nia ema ne’ebe Kómiku, animador, amigável, kalma no matenek, Ha’u Hatene Nia okupadu ho servisu Maibe nia sempre Badinas mai eskola no fo Importância tebes ba nia eskola, tristeza boot ida ba Universidade no Família tanba lakon nia ema Diak ida ne’ebé sai Esperansa ba Sira, maske tara an laos Solusaun ba problema saida deit mak mosu iha moris ne’e, ita hotu orasaun ba nia, Nune’e nia bele hetan Perdaun no fatin naroman iha Maromak Nia Kadunan Santu iha Lalehan”. Tenik Presidente RGA Associação Estudantil FCE-UNTL Rolando Ramos Magno ba SAP News TL iha Dili, 19 Maiu 2023.

Rolando hatutan, “Maun Manecas, ema ida riku ho talentu iha Desportu hanesan jogador Futebol, iha kreatividade oioin, Agrasede Ba ninia Kontribuisaun tomak ba Associação FCE-UNTL, Agradese tebes tanba belê koko no fahe moris no ksolok ho ami durante estuda iha UNTL, Adeus Maun Manecas, ba hamutuk no Hela ho Maromak Harohan mai ami hotu, até um dia”. Hatete Rolando

Tuir Chating ne’ebe SAP News TL Asesu liu husi Nia alin Feto Eza da Gama, Matebean Manecas Hatete ” Mundu Barullu Liu, Ha’u Hakarak Ba Marte”. Maske Manecas tatoli lia ne’e ba nia alin Feton, Maibe Nia alin feto nunka imajina katak linguagem ne’e implisitamente Hatudu katak Manecas Hanoin atu Tara An, Ikus Mai Manecas la konsege tahan an ho Barullu mundu nian, Rezulta Manecas Hakotu nia vida liu husi tara an

Iha sorin seluk, Senadu Fakuldade Siénsia Exatas, Jopra Konta, Molok Nia atu sai ba foho tanba iha Kestaun Famíliar, Matebean Manecas Tatoli ba nia dehan ” Maun, Keta Stress Demais, Buat Hotu Sei Sai Diak”. Entaun, Jopra Hatan ho liafuan Diak, Molok Sira rua fahe Malu Iha Kampus Faculdade Ciensia Exatas Iha INFORDEPE, Caicoli, Molok nia aranka ba Munisípiu Baukau

Entretantu, wainhira Jornalista SAPNewsTL dada Lia badak ho Manecas Nia Aman Alfredo da Gama, Iha Nia Rezidensia Haktuir Nia Nunka Hanoin katak situasaun ne’e bele mosu ba Oan Matebean Manecas, Maibe ne’e Mak realidade

“Iha Momentu Ha’u rona Informasaun ne’e, Ha’u lori Hela Karreta Polísia Akompanha Mate Isin Saúdozu Deolindo da Costa Amaral SARAI atu ba Halot iha Jardim dos Heróis Metinaru Dili, iha dalan Buiomau dader mais ou Menuz tuku 10 dader, Manecas Ninia Tiu telefone mai ho Matan Ween no Tanis, entaun Ha’u Hatan, Nusá, Buat ruma karik Ko’alia Mai, Nia Hatan ba Ha’u, Dehan Manecas Laiha Ona tanba Tara An, Momentu ne’e Kedas Ha’u Hanoin lakon no fuan Kanek, nune’e lá Konsege to’o Metinaru Maibé Fila deit iha dalan”. Dehan Matebean Nia Aman Alfredo da Gama, ba Jornalista SAPNewsTL iha Luro, 22/05/2023

Alfredo salienta, “Nu’udar Aman Ba Manecas, Ha’u mos hakarak husu deskulpa ba Matebean Nia kolega Sira, Amigu Sira Estudante, karik durante nia halo buat ruma ne’ebé la Monu ba imi nia laran, Ha’u Reprezenta husu deskulpa ba imi hotu, ita hotu Reza atu Maromak bele haraik Fatin Naroman ba Nia”. Hatete Nia Aman

Enkuantu, To’o Agora la Konsege hatene Kauza husi Suisídiu no Insidente Moruk ne’e, Portantu, ohin Familia Matebean Manecas Ramos da Gama kari Ona nia aifunan moruk iha Postu Luro Luro, Munisipiu Lautém

Fo hanoin mos ba Ema Hotu, liliu Foinsa’e Sira, Feto Ran no Mane Klosan Sira Hotu, atu Labele lakon esperansa, fiar no Imajinasaun katak problema Ne’ebe Hasoru laiha problema, laiha problema ida ne’ebé sein Solusaun tanba Buat Ida Tara an La’os Solusaun ba problema ne’ebé ema ida-idak Hasoru

Jornalista: Juvita Sarmento