FTTL Halo Selesaun La Justu, Atleta Selesionadu Abriana La Tama Kazerna

SAPNewsTL, Dili: Federasaun Taekwondo Timor-Leste (FTTL) halo selesaun la justu tanba atleta selesionadu Abriana Da Silva Abilio manan selesaun la tama kazerna maibe atleta seluk la liu selesaun mak tama fali iha kazerna kuartel jeral Polisia Militar hodi halo preparasaun intensivu fulan rua partisipa Sea Games 2023 iha Cambodia.

“Hau nu’udar atleta sente triste tebes tanba durante hau halo preparasaun iha tempu naruk lakon tempu ba eskola tuir treinu dader no loraik hau konsege liu selesaun parte FTTL halo maibe atu tama ba kazerna bainhira parte FTTL mensiona atleta sira hau nia naran la tama ba lista atleta kompete iha Sea Games 2023 iha Cambodia”, dehan atleta Abriana Da Silva Abilio ba jornalista sira iha jinajiu desportu Caicoli, Dili segunda (13/03/2022).

Atleta ne’e hatutan, FTTL halo selesaun fali ba atleta feto mane joga iha klase bantan 53 kg feto ho mane bantan 63 kg ne’ebe sei partisipa iha Sea Games tanba parte CONTL atu aumenta atleta nain rua tan  hamutuk ho atleta nain haat antes ne’e liu tiha ona selesaun partisipa Sea Games 2023 ne’ebe sira nain neen treinu komesa fulan novembru to’o fevereiru tinan ne’e, iha selesaun rasik nia konsege manan atleta Imbrolia Amorin no Nelia iha loron 8 fulan fevereiru 2023 maibe ikus FTTL lori fali atleta Imbrolia Amorin ne’ebe nia manan iha selesaun tama gazerna tanba atu ba kompete iha klase boot.

Abriana informa, parte federasaun taekwondo la fo justifikasaun ba nia tanba saida iha loron 3 fulan marsu bainhira nia to’o iha kazerna kuartel jeral Polisia Militar atu tama kazerna nia naran la iha maibe kolega mane sira nain rua tuir selesaun hamutuk nia naran iha fali no nia pasaporte agora moris hela maibe kapa mak nakles tan ne’e antes ne’e nia rona liu selesaun atu kompete iha Sea Games 2023 iha Cambodia ne’e nia ba ona diresaun nasional notariadu atu halo foun, nia hasoru ona diretor jeral notariadu dehan tenki halo deklarasaun husi FTTL para halo urjente ne’ebe nia mai foti deklarasaun husi FTTL ba diretór jeral hare’e no haruka nia ba hasoru diretor halo pasaporte nian maibe diretor ne’e la fo resposta maibe sira fo fali surat fo blanku mutin dehan nia pasaporte sei bele utiliza.

Iha fatin hanesan treinador dojan KONI TLS Nilton Corte Real Lemos hatete, nu’udar treinador dojan senti triste no hakarak hatene razaun saida mak nia atleta labele tama kazerna no seidauk rona justifikasaun ruma husi parte FTTL.

“Hau nu’udar treinador dojan senti triste no hakarak hatene razaun saida mak hau nia atleta liu ona selesaun depois halo preparasaun tempu naruk maibe la tama kazerna no daudaun ami seidauk rona justifikasaun ruma husi parte FTTL ho treinador selesaun nasional sira maibe ami rona informasaun husi ema balun katak sira nia atleta ne’e la ba tanba razaun pasaporte mate”, tenik Nilton 

Treinador dojan ne’e akresenta, sira hakarak fo sai ba publiku katak sira nia atleta nia pasaporte to’o 2024 foin mate maibe sira atleta nia pasaporte ne’e nia kapa mak nakles tan ne’e atleta hakarak halo foun para labele prejudika nia viazen kark ba kompete SEA Games ne’e no parte federasaun taekwondo mak iha kompetensia deside atleta partisipa Sea Games 2023 iha Cambodia ne’ebe antes iha atleta nain haat mak ba maibe ikus mai federasaun aumenta atleta feto mane ida-idak husi klase bantan 53 kg no mane 63 kg tan ne’e sira nia atleta tuir selesaun klase bantan 53 kg nian no nia manan no nia atleta durante ho atleta sira seluk hamutuk nain neen mak durante ne’e treinu dader loraik to’o maibe atu tama kazerna sira atleta nia naran la iha fali troka fali ho atleta ne’ebe atu ba joga klase boot maibe nunka treinu ne’e no la liu selesaun ne’e

Nilton fundamenta tan, sira la fo sala ba parte federasaun taekwondo maibe tenki hare’e didiak bainhira buka atleta ne’ebe prestasaun buka atleta legal tuir selesaun, atleta Imbrolia Amorin ida ne’ebe troka sira nia atleta antes tuir selesaun lakon maibe to’o ikus nia mak ba fali sira atleta manan selesaun la ba fali ne’ebe husu FTTL para deit to’o sira nia atleta ba futuru labele akontese tan tanba la justu nu’udar treinador dojan senti triste ba ida ne’e tanba atleta sira mai husi dojan fo treinu partisipa kampionatu nasional no kampionatu sira seluk laos tuir deit tama selesaun nasional hodi tuir selesaun ba kompete iha kompetisaun internasional sira 

Eis Atleta ne’e afirma tan, sira nia atleta prestasaun manan nain iha kampionatu nasional 2022 no kampionatu internasional iha Kupang foin daudaun mak sira defende tanba sira hakarak atleta taekwondo diak ba futuru no nu’udar treinador nafatin fo korajen ho motivasaun ba nia atleta ho situasaun hanesan ne’e labale para treinu tanba oportunidade laos ninian kolega sira seluk ba reprezenta mos Timor-Leste no FTTL no sira eduka nafatin nia atleta tenki iha espiritu treinu no dixiplina nafatin tanba oportunidade barak sira seluk sei tuir mai hein iha futuru sei kompete iha kompetisaun internasional sira seluk.

Reportajen: Augusto dos Santos