FSTL Hamutuk CDTL Sei Loke Modalidade Ski Roller Iha TL
Imajen: Prezidente CDTL Macario F Sanches Hamutuk Ho Estrutura FSTL No Atleta Internasional Yohan Goutt Gonçalves iha Edifisiu CDTL Caicoli, Dili segunda, (13/03/2023).
SAPNewsTL, Dili: Federasaun Ski Timor-Leste (FSTL) hamutuk ho Konfederasaun Desportu Timor-Leste (CDTL sigla portuges) sei loke modalidade ski roller para dezenvolve modalidade ski iha Timor-Leste (TL) bele partisipa jogu winter olimpiku iha nasaun sira seluk.
“Ita enkontru ho CDTL lao diak tebes, ami aprezenta posibilidade ba projetu balun iha futuru mak loke modalidade roller ski iha Timor-Leste para bele hetan tan atleta ba modalidade ski nian ba sustentanbilidade no dezenvolve modalidade ski iha Timor Leste, dehan Atleta internasional Yohan Goutt Gonçalves ba jornalista sira iha edifísiu CDTL Caicoli Dili, segunda (13/03/2023).
Yohan hatutan, modalidade roller ski bele loke iha Timor-Leste tanba uza sepatu roda, Timor-Leste tenke buka atleta sira pratika roller ski iha nasaun ne’e para depois sira bele tuir kompetisaun ski iha rejiaun sudeste aziatiku no bele kualifika mos ba jogu Winter Olimpiku.
Iha sorin seluk prezidente FSTL Natalino Hornai Guteres hatete, ohin sira deskute ona prezidente CDTL katak sira iha planu loke modalidade ski roller iha Timor-Leste tanba antes ne’e sira mos fahe ona informasaun kona modalidade ski iha eskola sira balun iha Timor-Leste tanba ne’e sira mai hasoru CDTL para bele fahe liu tan informasaun liu husi servisu hamutuk CDTL.
“Ohin ami hasoru ona prezidente CDTL katak kataj ami iha planu ba futuru atu loke modalidade ski roller iha Timor-Leste tanba antes ne’e ami mos fahe ona informasaun kona modalidade ski iha eskola sira balun iha Timor-Leste tanba ne’e sira mai diskute ho CDTL para bele fahe liu tan informasaun liu husi servisu hamutuk CDTL”, tenik Natalino
Natalino akresenta, sira asaun konkretu mak loke modalidade ski roller iha Timor-Leste para buka atleta sira ba kompetisaun internasional sira antes ne’e sira atu halo ona maibe tanba Covid 19, la konsege mais agora oportunidade diak tebes planu sei realiza iha inisiu 2024, maibe ohin sira kolia ho CDTL , katak se tinan ne’e mak iha fulan jullu atividade hotu lao diak bele komesa lae komesa iha Inisiu tinan oin.
Iha fatin hanesan prezidente CDTL Macario F Sanches informa, FSTL mai hasoru CDTL tanba sira iha planu atu introdus modalidade ski roller iha Timor-Leste tan ne’e konfederasaun mos simu inisiativa ida ne’e
“Ita nia federasaun ski ho nia atleta internasional Yohan Goutt Gonçalves mai vizita CDTL atu aprezenta programa daudaun sira dezenvolve hela, sira aprezenta durante ita nia atleta internasional ne’e kompete kompetisaun internasional lubuk ida ona no sira mos iha planu atu mobiliza Timoroan sira kunese liu tan federasaun ski rasik, sira mos planu hakarak introdus modalidade ski roller uza sepatu roda tan ne’e hau nu’udar prezidente CDTL mahon ba federasaun hotu simu inisiativa ida ne’e no CDTL ho autoridade komponente sira sei apoiu lojistikamente federasaun ski para implementa programa ne’e”, tenik Macario
Macario fundamenta tan, karik sira nia proposta ne’e pasa iha International Olimpic Committee (IOC) sedu liu sira loke modalidade ski roller iha Timor-Leste iha fulan jullu no tarde liu iha fulan janeiru 2024 hodi ajuda CDTL lori desportu ba eskola involmentu ne’e husi estudante sira daudaun ne’e Timor-Leste iha joven sira ne’ebe halimar sapatu roda sai potensial ba ski rasik, ohin sira husu ba FSTL karik fo tempu ba CDTL promove hela lai durante fulan haat ka liman hanesan ne’e to’o fulan janeiru 2024 mai implementa modalidade ne’e, prezidente ho atleta FSTL konkorda ona ba ida ne’e no sei koalia ekipa tekniku diak liu iha sorumutu tuir mai
Prezidente CDTL afirma tan, modalidade ski roller ne’e bele akontese iha nasaun la iha es tanba halai iha estrada uza sepatu roda no iha 2024 sei kompetisaun modalidade ne’e iha Tailandia atleta Yohan Goutt Gonçalves mos tama komisaun tan ne’e nia hakarak atleta Timor-Leste mos bele partisipa, sira hakarak introdus modalidade ne’e para buka atleta depois treinador mai husi estranjeiru ho fundu komite olimpiku internasional nian para mai prepara atleta karik atleta sira hatudu kualidade reprezenta Timor-Leste partisipa kompetisaun internasional ski roller iha Tailandia ne’e.
Reportajen: Augusto dos Santos