Garante Pontu Tolu, Porto Taibesse Sei Foti “Kekurangan” SLB Sai Fali Vantajen

SAPNewsTL, Dili: Porto Taibesse FC garante pontu tolu  tan ne’e sira sei utiliza “kekurangan” AD SLB Laulara sai fali vantajen iha jornada dahaat divizaun dahuluk Liga Timorense epoka 2023 ne’ebe ekipa rua sei hasoru malu iha loron aban, 24 fulan marsu tinan 2023.

“Ami garante sei hetan pontu tolu tanba ida ne’e mak ami klube nia objetivu ba jogu aban kontra AD SLB Laulara tan ne’e ami tenki joga seriu liu tan hasoru AD SLB Laulara nune’e hau prepara ona jogador sira para asegura AD SLB Laulara nia kelebihan no kelemahan jogu nian tan jogador sira husi AD SLB Laulara ne’e joga toman malu ona tanba kleur ona joga hamutuk maski balun sai ba klube seluk mak mai fali ne’ebe sira mos kelebihan no mos kekurangan tan ne’e ami sei tenta uza sira nia kekurangan para ami nia jogador sira bele halo buat ruma”, dehan treinador Porto Taibesse FC Miro Bento ba jornalista sira iha kampu Taibesi, Dili kinta (23/03/2023)

Treinador hatutan,sira nia preparasaun lao normal hela, sira respeita ekipa hotu iha liga tinan ne’e tanba ekipa forte hotu ba sira la iha la forte, AD SLB Laulara agora hare’e forte liu tanba seidauk hetan derrota tanba ekipa sira seluk derrota hotu ona iha jogu.

Miro hatutan, estratejia ne’e importante iha jogu maibe iha Timor-Leste kuaje treinador sira nia estratejia atu hanesan hotu maibe depende fali ba jogador sira hakarak hala’o servisu diak kampu ka lae, tanba tau estratejia diak mak jogador la halo tuir mos hamosu fali problema ba ekipa ne’ebe hasoru adversariu AD SLB Laulara hakarak jogador sira Porto Taibesse FC hala’o servisu diak husi baliza to’o avasadu para aguenta AD SLB Laulara nia jogu.

Entretantu jogu Porto Taibesse FC kontra AD SLB Laulara sei determina lideransa ba tabela klasifikasaun iha jornada dahaat divizaun dahuluk Liga Timorense 2023 tanba daudaun ne’e AD SLB Laulara okupa provizoriu pozisaun daruak ho pontu 7 no Porto Taibesse FC okupa pozisaun datoluk ho pontu 6.

Reportajen: Augusto dos Santos