La Hadia Estrada Ermera, MOFA Sei Mobiliza Povu Golput Iha ElPar 2023

SAPNewsTL, Dili: Movimentu Foinsa’e Atsabe (MOFA) husu governu normaliza lais estrada no ponte ne’ebe mota sobu iha Munisipiu Ermera tanba difikulta tebes sosiedade sira nia atividade iha munisipiu ne’e, MOFA Ameasa se la konsidera movimentu ne’e sei organiza universitariu husi Munisipiu Ermera la partisipa Eleisaun Parlamentar 2023 ne’ebe sei realiza iha fulan Maiu tinan ne’e.

“Movimentu uza kondisaun hotu hodi forma ideia kritiku atu eziji alternativu ba problema hotu ne’ebé sosiedade enfrenta maibe ami husu governu atu halo atuasaun ida seriu ba estrada kotu iha Munisipiu Ermera, la’os ho normalizasaun de’it maibé tenki halo di’ak liu ida ne’e, karik parte relevante sira maka la tau atensaun ba sosiedade-nia problema mak ami Joven universitariu sei organiza malu atu la vota iha elisaun Parlamentar ne’ebé sei akontese iha loron 21 fulan maiu 2023 ho razaun katak Munisipiu Ermera vontante barak depois Munísipiu Díli maibé dezenvolvimentu ba infraestrutura Munísipiu Ermera zero”, dehan prezidente MOFA Izitro do santos ba jornalista sira liu konferensi imprensa iha Jardin 5 Maiu Farol, Dili sabadu (01/04/2023).

Prezidente MOFA hatutan, problema infraestrutura estrada ne’ebé kotu iha munisípiu Ermera kompostu hosi Postu Administrativu Atsabe, Letefoho, Ermera Vila , Hatulia A no Hatulia B, sosiedade munisipiu Ermera mós sai hanesán instrumentu polítiku no ukun-nain-sira hetan poder iha periodu ida ba periodu seluk. problema ne’ebé ohin-loron sosiedade hasoru ne’e problema ida seriu tebes tanba estrada maka sai hanesán meiu prinsipál para fasílita povu atu kontinua atividade, maibe estrada kotu maka parte relevante sira husik hanesan ne’e de’it maka povu maubere sei kontinua terus.

Nia informa, primeiru ministru rasik demonstra iha públiku katak povu riku iha Timór-Leste ida mak munisipiu Ermera tanba sa durante ukun lahalo estrada di’ak ba postu sira iha Munisipiu Ermera hodi hafasíl sira maibe tenki husik sira terus mesak hanesán inan/aman ida laiha, governu hetan funsiona husi ema, ema nomeia husi partidu politiku servisu prinsipál atu hatan ba preokupasaun sosiedade-nian, sira dezafia se de’it ukun lalika hanoin aan de’it maibé deskute povu ida ne’e nia terus no susar.

Reportajen: Ermelinda Soares