Grupu Sosiedade Sivil Audiénsia Ho PR, ‘Atualiza Progresu & Dezafiu Sira’
SAPNewsTL, Dili : Grupu Sosiedade Sivil hamutuk sanulu resin haat (14) kompostu husi Fundasaun HIVOS, FOKUPERS, JSMP, La’o Hamutuk, AHMDTL no Arkoiris Timor Leste Inklui Organizasaun hitu (7) seluk hala’o sorumutu ho Presidente Repúblika José Ramos Horta iha Palasiu Presidensial Nicolau Lobato Aitarak-Laran.
Hafoin sorumutu, Porta voz Grupu Sosiedade Sivil Niloh Gusti Madewanti hateten objetivu husi enkontru ne’e hodi atualiza informasaun ba Presidente Repúblika liliu progresu no dejafiu servisu hirak ne’ebe iha durante ne’e
“Ami Nia objetivu ba hasoru Presidente Repúblika, ohin ami atualiza informasaun sira ne’ebe ami halo hanesan parseiria konsorsiu husi organizasaun lubuk La’o Hamutuk, Fokupers, Arkoires, AHMDTL hodi ko’alia mos kona ba progressu no desafiu sira atu hadia di’ak liu Tan iha futuru”. Hateten Porta voz Grupu Sosiedade Sivil Niloh Gusti Madewanti, iha Palasu Presidensial, Kinta 07/09/2023
Porta voz ne’e hatutan, “Apoio osamentu ne’ebe durante ami hetan durante tinan hitu ba ida ne’e ita tama ona iha fase dala neen nian hodi hetan kontinuasaun hamutuk ho HIVOS husi fundus orsamentu Embaixada Noruega nian, Orsamentu hirak ne’e uza ba asuntu igualdade géneru, no inkluzaun sosial inklui sira seluk”. Nia subliña
Alende ne’e, liu husi audiênsia refere Grupu Sosiedade Sivil ne’e mos hato’o ba Presidente Repúblika hodi haree mos alokasaun orsamentu 2023 ne’ebe Organizasaun La’o Hamutuk analiza no observa durante ne’e
“Ami enfaze iha ami nia komunikasaun ho Presidente ne’e haree liu ba alokasaun orsamentu estadu 2023 ninian ne’ebe representa ho La’o Hamutuk ho Foinsa’e sira nia analiza no observasaun durante tinan ne’e nian”. Nia hateten
Grupu Sosiedade Sivil ne’e mos preokupa ba alokasaun orsamentu ne’ebe Kiik ba Setor Educação, Saúde, Agrikultura husi 17% liliu iha parte igualdade jéneru
Grupu Sosiedade Sivil sira mak hanesan sosiedade sivíl 14 hanesan Asisténsia Legal Feto no Labarik (ALFeLa), Associacaon Chega Ba Ita (ACBIT), Associação Halibur Deficiência Matan Timor Leste (AHDMTL), Arcoiris Tinor-Leste, Casa Vida, Foin Sa’e Unidade Dezenvolve Futuru (FUNDEF), Forum Komunikasaun ba Feto Timor-Leste (Fokupers), Judicial System Monitoring Program (JSMP), La’o Hamutuk, Klibur Defisiensia Tilun Timor-Leste (KDT-TL),
Inklui Organizasaun Psychosocial Recovery & Development in East Timor (PRADET), Forum Komunikasaun ba Feto Timor-Leste (Fokupers), Judicial System Monitoring Program (JSMP), La’o Hamutuk, Klibur Defisiensia Tilun Timor-Leste (KDT-TL), Mane Ho Visaun Foun (MHVA), Ra’es Hadomi Timor Oan (RHTO), Yayasan Humanis dan Inovasi Sosial (Affiliated with Hivos).
Jornalista : Aquelina Magalhães