Arábia Saudita Hakarak Kontribui Ba Dezenvolvimentu Ekonómiku Iha Timor-Leste
SAPNewsTL, Dili : Presidente Repúblika José Ramos Horta hasoru malu ho Ministru Turizmu Reinu Arabia Saudita, Ahmed Al Khateeb ho nia komitiva iha Palásiu Prezidente Nicolau Lobato, Aitarak Laran, Dili.
Iha vizita ne’e, parte rua ko’alia kona ba kooperasaun bilateral no oinsa kontribui ba dezenvolvimentu Timor Leste iha Futuru, vizita ne’e hanesan primeira vizita ba Timor Leste hafoin estabelese relasaun bilateral ho Arabia Saudita iha tinan 2015
‘’Vizita ida ne’e espesiál tebes tanba señor Khateeb la’o halo volta iha pasífiku depois husi Timor’’, Tenik Deonizio Babo Soares, Kordenadór Jerál ba servisu relasaun internasionál Prezidensia Repúblika, Ai-Tarak Laran, Dili, 06/09/2023
Prezidente Repúblika mos ko’alia asuntu bilaterais balu, oinsa mak Arabia Saudita bele kontribui ba dezenvolvimentu. Sira mós dada-lia kona-ba sira nia preparasaun atu halo expozisaun iha tinan oin no oinsa Timor-Leste mós bele partisipa iha expozisaun ne’e, inklui posibilidade koperasaun ekonomia entre nasaun rua.
“Iha Itá Nia Rai tanba país ne’e Riku tebtebes sira mos ko’alia sobre sira nia preparasaun iha tinan oin mai ne’ebe presiza ema 50 Milhões atu visita sira nia rai”. Nia hatutan
Nia mos Informa, katak Saúde Arábia Dezenvolvimentu maka’as teb-tebes inklui halo mos transformasaun ba sira nia sociedade, Sira mos haree posibilidade oinsa haree ekonomia no oinsa halo kontribuisaun ba dezenvolvimentu ekonomiku Timor Leste nian
Entertantu, Sira mos komesa akredita ona iha Australia, Indonesia no mai ona iha Timor-Leste ho ofisialmente realiza estabelesimentu relasaun ne’ebe estabelese desde 2015
Jornalista : Aquelina Magalhães