Impata 1-1 Ho As Marca, DIT Lidera Provizoriu Tabela Klasifikasaun

SAPNewsTL, Dili: DIT FC joga impata 1-1 kontra AS Marca iha jornada datoluk, rezultadu refere lori DIT FC  lidera provizoriumente tabela klasifikasaun iha divizaun daruak Liga Timorense epoka 2023.

Jogu DIT FC kontra AS Marca hala’o iha Estadium Munisipal Dili sabadu, (18/03/2023).

Iha jogu parte dahuluk bainhira kick off jogador sira husi ekipa rua muda bola ain ba ain hodi halo presaun no atake ba malu, jogador avansadu sira husi ekipa rua hetan oportunidade barak ameansa baliza kada ekipa maibe la konsege marka golu to’o minutu 45 remata skore nafatin okulista 0-0.

Kontinua ba parte daruak ekipa rua muda estratejia jogador sira nafatin muda bola ain ba ain nafatin halo presaun no atake ba malu maibe jogu tama minutu 70 ba leten kampu komesa namdoras tanba udan boot halo jogador sira labele halo jogu diak ne’ebe jogador husi ekipa rua hetan bola soe ba area penalidade para fasil atu marka golu ne’ebe tama minutu 82 jogador Oktavianus Gonçalves husi AS Marca golu halo redi DIT FC nakdoko tanba ho kondisaun udan Baliza DIT labele kaer bola metin iha nia liman hodi hatuur kedas skore 1-0.

Skore refere halo DIT halo atake makaas ba AS Marca para responde golu husi adversariu ne’ebe iha minutu 90+3 jogador Claudio Faria husi As Marca halo auto golu hodi halo sira nia redi baliza nakdoko hodi fo skore ba DIT FC muda fali skore ba 1-1 ne’ebe to’o minutu 90 remata skore mantein tanba la iha jogador ida husi ekipa rua marka tan golu hodi muda skore.

Entretantu ho rezultadu 1-1 lori DIT FC lidera provizoriumente tabela klasifikasaun iha jornada datoluk divizaun dahuluk Liga Timorense epoka 2023 ho pontu 7 husi jogu manan dala rua no impata ida no AS Marca tenki okupa pozisaun daruak iha tabela klasifikasaun ho pontu 7 husi jogu manan dala rua no impata ida hanesan DIT FC maibe lakon iha produtividade golu.

Reportajen: Augusto dos Santos