Kalohan : Laiha Oportunidade Maka Laiha Responsabilidade
SAPNewsTL, Dili : Hafoin Partisipa iha Serimónia tomada de Posse Nonu Guvernu Konstitusional iha Palasiu Presidensial Aitarak-Laran, Deputadu Bankada Partidu Demokratiku(PD) Antonio da Conseção Kalohan husu atu nonu governu tenki iha responsabilidade hodi Hala’o misaun to’o remata tanba povu tau fiar no konfiansa ba governu
“Nonu Guvernu tenki hola Responsabilidade To’o Remata tanba povu fo Konfiansa ba Guvernu Ida ne’e, Ha’u la iha sentimentu ba nonu governu tanba sira sei servisu hamutuk no uza responsabilidae nonu governu simu todan hodi halo buat ne’ebe mak sira tau ona iha sira nia programa no ita hein programa saida mak sira atu implementa”. Hateten Sekretariu Jeral Partidu Demokrátiku Antonio da Conceição Liu husi ninia Pajina Privadu, Dili,01 Jullu 2023
António hatutan, “Ha’u tenki halo tuir servisu hanesan deputadu nian iha bankada, ema hotu dehan ukun ne’e hanesan responsabilidade laos ho Lingua Português karik trabalhar para servir liafuan hirak ne’e uluk Ha’u rasik mak tau,dadauk ne’e Ha’u fila lia no la konkorda mak ema dehan ukun la iha responsabilidade,”
“Sei la hetan oportunidade mak ita sei la iha responsabilidade hodi atu ukun, liafuan hotu sempre iha sentidu ne’ebe mak ita halo rasik ita la halo liafuan hirak ne’e la folin ba buat ida, atu dehan fila fali deit la hetan oportunidade mak sei la iha oportunidade ba ukun ho responsabilidade”.
Masker nune’e, Kalohan Promete sei servisu hamutuk atu hametin koligasaun hodi servisu tuir responsabilidade idak-idak nian, esperansa povu nian ne’ebe mak hein hela hanesan ahi lakan fo naroman
Enkuantu, Presidente da Repúblika José Ramos Horta dekreta Lista Membru Guvernu Dasia ba Periodu 2023-2028 Liu husi Jornal da Repúblika iha Loron 30 Junhu, Ohin Loron 01 Jullu Presidente Repúblika fo ona tomada de Posse ba Membru Guvernu hamutuk 47
Lista Membru Guvernu ne’e Hamutuk haatnulu resin Hitu, entre Sira Ministru nain 22, Vise Ministru Nain 10 no Sekretariu Estadu hamutuk Na’in 15
Jornalista: Lídia Amaral