KHUNTO Promete Kontinua Programa Osan $ 200 Ba Kada Familia, Hadia Estrada Lore No Iliomar

SAPNewsTL, Lautem : Partidu Kmanek Haburas Unidade Nasional Timor Oan (KHUNTO) hala’o komisiu politiku iha kampu futebol Postu Lautem, Munispiu Lautem, iha diskursu Prezidente Partidu KHUNTO Armanda Berto dos Santos haktuir wainhira KHUNTO manan sei kontinua programa fim do ano ne’ebe kada familia simu osan $ 200 dolar

“Bainhira KHUNTO ukun sei kontinua programa fim do ano katak kada familia sei simu osan $200 dolar kada tinan, tanba familia barak laiha servisu nune’e bele apoia sira iha tinan ida dala ida”. Tenik Prezidente KHUNTO Armanda Berta dos Santos iha Kampu Futebol Postu Lautem, 25/04/2023

Lider Partidu KHUNTO ne’e hatutan, wainhira tama nafatin iha ukun sei kontinua hadia estrada ne’ebe a’at hanesan estrada ligasaun Postu Lospalos ba Lore, Postu Lospalos ba Iliomar no dada eletrisidade ba fatin sira ne’ebe komunidade seidauk asesu

“Wainhira manan, ita sei hadia estrada ne’ebe a’at hanesan estrada diresaun Postu Lore no Iliomar ne’ebe difikulta tebes sirkulasaun transporte sira, KHUNTO mos sei dada ahi ba komunidade sira ne’ebe seidauk asesu eletrisidade”. Nia informa

Partisipa iha komisiu politiku ne’e mai husi militantes no simpatizantes sira husi Postu Administrativu Luro, Lospalos, Lore, Tutuala no Lautem, entretantu iha kampanna ne’e hetan observasaun husi orgasaun komisaun nasional eleisoens, no hetan mos seguransa husi seguransa Polisia Nasional Timor Leste (PNTL) Munisipiu Lautem

Jornalista : Luis Pailofo