KM Aprova Dekretu-Lei 5 Ho Sekretaria Estadu Foun Ba Komunidade TL Iha Diáspora
Dili SapnewsTL- Konsellu Ministrus hala’o sorumutuk iha Palásiu Governu Dili no aprova ona Projetu Dekretu-Lei Lima, inklui Sekretaria Estadu Foun ba Komunidade Timor Oan iha Diáspora ne’ebe aprezenta husi Primeiro-Ministrus Taur Matan Ruak.
Tuir Ministrus Presidénsia Konsellu Ministrus Sr.Fidelis Manuel Leite Magalhaes hateten katak,projetu Dekretu-Lei ne’e ba organika Sekretaria Estadu ba komunidade Timor-oan iha Rai-Liur, Sekretaria Estadu ida ne’e, ne’ebe sei tutela husi primeiru-ministru buka atu hetan ba hakarak Timor-oan sira nian ne’ebe hela iha Rai-Liur, objetivu husi Sekretaria Estadu foun ida ne’e atu hametin lasu ne’ebe liga sidadaun Timor-oan sira iha Rai-Liur no Estadu Timor.
“Projetu Dekretu-Lei Kona ba regulamentu ba fundu kombatentes libertasaun Nasional, Diploma ida ne’e regulamentu fundu kombatentes libertasaun Nasional no estabelese modelo investimentu Osan fundu nian objetivu atu hetan rendimentu no atu asegura ninia permanensia”. Dehan Sr Fidelis ba Jornalista iha Fatin Palasiu Governu, Tersa-Feira-17/05/2022.
Sr Fidelis hatutan tan katak, Projetu Dekretu-Lei ne’ebe atribui direitu alojamentu ne’ebe dignu ba Militar,F-FDTL iha servisu ativu no efetivu,no ba membru PNTL sira, tanba razaun servisu nian tenki muda ba atu hela iha munisipiu ne’ebe la hanesan husi ida ne’ebe iha ninia hela fatin abitual.
“Projetu Dekretu-Lei ne’ebe estabelese programa atu estimulu ba renovasaun no expansaun area plantasaun kafe,konsidera importansia agrikultura,liliu kultura kafe,atu hadia kondisaun moris Timor-oan nian no ba dezenvolvimentu ekonomiku pais, nune’e mos importansia atu apoiu produsaun no promosaun kafe organiku ho kualidade aas״. Hakotu nia
Enkuantu Projetu Dekretu Lei Lima ne’e apresenta husi Primeiru Ministru Taur Matan Ruak no hetan ona aprovasaun husi Konsellu Ministru orseik iha Palasiu do Guvernu Dili, 17 Maiu 2022
Jornalista : Conzita Mota
Editora : Aquilina Aky Moy Casimiro