Kombate Droga Iha TL, Reitor UNPAZ Husu Instituisaun Hotu Hakilar Nafatin

SAPNewsTL, Dili: Universidade da Paz (UNPAZ) realiza aktiviadade Talk Show Akadémiku ho tema “ Atuasaun Estadu RDTL Kombate Droga Iha Timor Leste” Hodi Dignifika Valores Umanu Liu Husi Lei.

Tuir  Senadu Estudantil UNPAZ, Bernadino Ximenes katak objetivu husi programa ne’e atu hatan ba problema kona-ba droga ne’ebé sai ameasa bo’ot ba nasaun ida ne’e.

“Objetivu ba atividade tanba issue interesante ba problema sira ne’ebé seida’uk rezolvidu ba iha sesaun ida ne’e ba povu Timor Leste no sosiedade tomak tanba droga ne’e ameasadu tebes ba nasaun no ba Povu Timor Leste”. Dehan Senadu estudantil UNPAZ, Bernadino Ximenes iha  salaun Jose Casimiro UNPAZ, Segunda-Feira, 5/09/2022.

iha fatin hanesan Magnifiku Reitor Universidade da Paz (UNPAZ) Adolmando Soares Amaral ne’e mos husu ba  jerasaun foun sira tenke hakribi droga atu labele konsumu ka fahe atu labele akontese tan iha rai ida ne’e.

“Presiza atu hakribi  Droga mesmu atu konsumu de’it ka atu sai supply ka simu iha ne’e, ita tenki hakribi, maibé situasaun ida ne’e akontese tiha ona no situasaun provoka ita hotu-hotu iha ne’e para atu ita nia hanoin atu solusiona situasaun ida ne’e”. Tenik Reitor

Reitor UNPAZ ne’e mos hatutan mesmu tuir ona dalan legal, prosesu investigasaun sira la’o ona, prosesu legal ne’e la’o ona parte juridisiariu sira halo ona sira nia servisu, maibé ba publiku ne’e nafatin preokupa tanba sa mak Droga iha Timor.

“Se ema sai konsumudor,  ne’e se mak haruka no se mak simu no fim sira bele  sai konsumudor iha rai ida ne’e, ida ne’e mak ita tenki fahe hanoin ba malu ba ida ne’e buat ne’e nadodon husi lalehan no mos buat ne’e la sai husi rai no buat ne’e mos la produs iha Timor, agora konsumu ne’e signifika iha ema ruma ne’ebe haruka no iha ema ruma ne’ebé mak simu, iha ema ruma organiza no ikus mai iha ema ba konsumu”. Nia salienta

Lideransa UNPAZ ne’e husu instituisaun akademika tantu akademiku institutu no universidade  sira iha responsabilidade moral sai forsa ida atu ko’alia no hakilar nafatin, fo hatene ba instituisaun kompetente sira ba estadu no governo atu konsidera sira nia hanoin.

“Diskute ba Droga, ita tenki halo ida ne’e lalika hakiduk, ha’u hamrik iha oin, ha’u enkoraja ita bo’ot sira, se sira lakohi solusiona ba ema nain 9 ne’ebé mak komete Droga ne’e, mak ita sei organiza malu halo manifestasaun bo’ot ida iha rai ida ne’e, hanesan Reitor sei hamrik iha oin hodi bolu ita atu kontra ba falla ne’e, labele ba ema ida, ba rai ida ne’e ita hotu-hotu nia responsabilidade moral, atu halo di’ak ba rai ida ne’e atu lori dezenvolvimentu ba povu moris d’iak lalika hakfodak, ita hamrik hakilar nafatin”. Nia hakotu.

Jornalista : Ariqui Colo

Editor : Ekipa Editorial