Komemora 12N ! PR Horta Konsidera TL Konkista Susesu Barak, Tinan Oin Tama ASEAN
Imajem : Prezidente Repúblika José Ramos Horta iha Santa Kruz, 12/11/2024. Foto : Marciana da Conceição
SAPNewsTL, Díli — Selebrasaun momentu istoriku ne’ebe hatudu dalan ba referendum memoria masakre santa kruz, Prezidente Repúblika (PR) José Ramos Horta deklara, eventu masakre Santa Cruz mak memoria omenajen ba Juventude sira ne’ebe aten barani hamrik hodi defende liberdade ba povu Timor-Leste
Xefi Estadu José Ramos Horta informa, ohin loron povu Timor-Leste hanoin hikas momentu istóriku masakre santa kruz ba dala XXXIII no Loron Nasional Juventude Timorense nian ba dala XXII hodi fanun mate restu, familia sobrevivente, ukun nain no povu tomak atu reflete kona-ba sakrifisiu ne’ebe juventude sira hala’o liu husi dalan manifestasaun ne’ebe nakonu ho sofrimentu.
“Liu husi eventu Masakre Santa Kruz loron memoria, homenajen ba foinsa’e sira ne’ebe ho aten barani hamrik hodi defende ita nia liberdade no dignidade” Dehan Prezidente Republika José Ramos Horta liu husi nia diskursu iha semiteriu Santa Kruz, Tersa (12/11/2024)
PR José Ramos Horta fundamenta, loron 12 fulan novembru tinan 1991 joven Timoroan oan barak maka sakrifika sira nia an, balu mate, kanek no hetan dadur, torturasaun tan juventude sira kaer metin prinsipiu ida katak mate ka moris ukun rasik, nune’e objetivu ne’ebe povu Timor-Leste mehi konsege realiza duni liu husi atmoferandu 30 de Agostu 1999.
“Ita nia maluk balun daudaun ne’e seidauk hetan, barak mate, terus hasoru sofrimentu oioin, ita nia rai infrenta dezafiu barak hanesan rai bar-barak ema enfrenta daudauk ona hodi hasoru buat ne’ebe uluk Amu Papa hatete, mehi ida sei realiza, maibé mehi ne’e realiza duni ho atmosferandu 30 de Agosto 1999, ita nia susesu mos barak, no tinan foun mai 2025 ita atu tama ona ba ASEAN”. Xefe Estadu sublina
Xefi Estadu afirma, Timor-Leste moris nafatin iha dame nia laran, Instituisoens funsiona nafatin, Timor nia emar sira kumpri mehi jerasaun 1975 mehi Xavier Amaral, Nicolao Lobato, komite Central tomak Fundador sira ASDT, FRETELIN, ne’ebe uluk hotu-hotu joven idade 24-26 depois nia jerasaun kontinuador balu sei iha ne’e.
“Ne’e duni hahu kedas iha 1999 ho 2000 fundador Kayrala Xanana Gusmão ne’ebe dada dalan ba ita lori Timor-Leste to’o referendum, ho independensia nia rasik hahu ko’alia rekonsiliasaun no taka tiha kanek hotu-hotu nian tanba Timoroan iha 1975 mate barak, Timoroan oan maka oho malu, iha ai laran, iha divizaun interna Timoroan lubuk ida mate”, Tenik nia.
Nia akresenta, maske iha pasadu moruk tebes Timoroan barak hatudu liman ba malu ho arma no kroat sira, Timoroan balun deside hili Indonesia hanesan sira nia nasaun, maibé liu husi lideransa historiku 1975 apoiu nafatin rekonsiliasaun nasional, no dialogu ne’e kontinua nafatin Timor-Leste la haluha Timor oan sira ne’ebe iha NTT, Jawa Sumatra, Korea, Australia, no Inglatera, ne’e duni hakruk ba Timor oan sira ne’ebe serbisu iha fatin ne’ebe deit.
“La haluha mos Maxtall hakruk ba nia tenke hare didiak tunbu Maxtall ninian, Hau mai iha ne’e dala ruma mai vizita nia rate, alende Maxtall, hot-hotu lembra, Estadu halo omenahen no mos Jornalista seluk iha masakre Santa Cruz, Elli Burnam nia Jornalista bo’ot telvizaun iha Amerika nia nunka haluha 12 de novembru 1991 ne’e no lori Timor nia naran iha nia programa demokrasia, ne’e duni hakruk ba sira, agradese no sei lahaluha sira”
Xefi Estadu José Ramos Horta, hafanun Timoroan hotu-hotu atu bele respeita no hadomi malu, hodi hatene ba futuru kria paz, estabilidade, no dalan ba rekonsiliasaun entre Timoroan hotu-hotu.
“Mensagen bo’ot liu maka respeita tulun nafatin vitima sira ne’ebe ita buka hateke ba oin hodi rai ne’e sai duni modelu rekonsiliasaun, dala barak ita temi beibeik rekonsiliasaun maibe iha laran balun sei hanoin fali fahe Timoroan, rejistensia Timor oan sira ne’ebe uluk defende autonomia iha Indonesia nia laran, Indonesia ohin loron rai ida dezemvolvidu, lider mundial, lider top iha Asia nia laran, ita nia relasaun tenke metin ho Indonesia, ita nia politika internasional susesu bo’ot ba Xanana Gusmão maka hahu iha 1999”.Ramos Horta hateten
Iha ámbitu selebrasaun tinan XXXIII momentu istoriku Masakre Santa Kruz no Loron Nasional Juventude ba dala XXII ho tema “Orgulhu ho Ita Nia Istoria Hamutuk Dezenvolve ita Nia Nasaun ida Prosperu iha Futuru” ne’e partisipa masimu husi Prezidente Repúblika José Ramos Horta, Vise-Primeiru Ministru, Ministru Coordenador Habitasaun Urbana Mariano Asanami Sabino, Tenente Reformadu Lere Anan Timur, Eis Presidenti Repúblika Frasisco Guterres Lu-olo, Sekretáriu Jerál Partidu FRETILIN Marí Alkatiri, sobrevivente, juventude estudante no povu Timor-Leste.
Jornalista : Guilhermino Ramos & Gerónimo de Purificação