World Cup : Portugal Halakon Uzbequistão Ho Skore 5 a 0, Ronaldo Marka Golu 2
Foto : Sosial Media Internasional
SAPNewsTL, EUA : Durante 90 minutu, Portugal hatudu kualidade jogu hasoru ekipa hosi selesaun nasionál Uzbequistão iha kopa Mundial 2026 hodi rezulta manan adversáriu ho skore 5 a 0.
Conzita Mota – Sapnews Pro
Durante jogu, selesaun nasionál Uzbequistão hatudu disiplina, rezisténsia no espíritu luta hodi tahan presaun maibe la konsege resiste tanba hetan presaun hoso selesaun nasionál Portugal ne’ebe lidera hosi kapitaun Cristiano Ronaldo iha Houston Stadium, kuarta-feira (24/06/2026).
Hahú hosi apitu inísiu, Portugal la fó tempu ba adversáriu atu organiza-an. Ekipa ne’ebé lidera husi gerasaun foun futebol portugés toma kontrolu ba bola no kontinua halo presaun iha metade kampu Uzbequistão.
Dominasaun ne’e lori rezultadu lalais. Iha minutu hitu, Cristiano Ronaldo hatama golu dahuluk. Nune’e Portugal halo golu ida ba Uzbequistão hodi muda ba skore 1 a 0.
Hafoin golu dahuluk, Portugal kontinua buka golu daruak, iha minutu sanulu resin hitu (17) Nuno Mendes hatama tan golu ida hodi muda ba skore 2 a 0. Tuir mai Cristiano Ronaldo hatama tan golu ida iha minutu tolunulu resin-sia (39) hodi aumenta ba 3 a 0 to’o jogu dahuluk termina.
Enkuantu ne’e, RD Kongo passa maioria tempu iha defesa. Maibé ekipa afrikanu ne’e la perde nia organizasaun no kontinua buka oportunidade atu responde liu husi kontra-atake no bola parada.
Momentu ne’ebé muda atmosfera partida mosu iha tempu akrésimu babak dahuluk. Iha minutu 45+5, Arthur Masuaku haruka bola ba área penalti no Yoane Wissa, ne’ebé la hetan markasaun, konsege halo kabesada forte ida atu hakotu baliza Diogo Costa. Gol ne’e muda skor sai 1-1 molok intervalu.
Bainhira tama ba faze daruak, Portugal aumenta tan intensidade hodi hatama golu dala rua, iha ne’ebe liu hosi own goal iha minutu 60 hosi Abduvkohid Nematov. Tuir mai jogador Rafael Leão hatama golu iha minutu 87 hodi muda skore ba 5 a 0.
Iha tempu hanesan, Ubzequistão mos la’os deit defende an maibé sira tenta atu hatama golu maibe la konsege to’o jogu parte daruak termina.
Rezultadu ne’e hatudu, Portugal rekolla pontus tolu hodi muda ba pontus haat iha grupu K, Colombia iha pontua 3, Repúblika Demokrátika de Congo iha pontus 1 no Uzbequistão laiha pontus.
