Lider Resisténsia Sira Simu Kadáver Saudozu Lu Olo Ho Matan-Ween
Imajem: Lider resisténsia sira iha Farol, 23/06/2026
SAPNewsTL, Dili : Lider resisténsia no antigus kombatente sira hamutuk ho povu simu Kadaver Eis Presidente Saudozu Francisco Guterres Lu-Olo ho matan-ween, laran triste no neon susar.
Bainhira Kadaver Saudozu Francisco Guterres Lu Olo, ne’ebé akompanha hosi faluk no oan sira, família sira no Sekretáriu Jeral Partidu Frente Revolusionáriu Timor-Leste Independente (FRETILIN) Mari Alkatiri to’o iha Aeroportu Presidente Nicolau Lobato Comoro, Dili iha tuku 06:50 oras dader.
Tuir mai entrega husi Ospitál Prince Court-Malázia ba família, no família kontinua entrega ba Estadu liu husi Instituisaun FALINTIL- Forsa Defesa Timor-Leste (F-FDTL) hodi fó Guarda de Honra ba Saudozu iha aeroportu.
Hafoin F-FDTL fo guarda de onra ba maktoban, tuir mai translada ba nia rezidénsia Farol hodi halo velória durante loron tolu ba Saudozu Francisco Guterres Lu Olo molok halot ba nia deskansa fatin ikus, iha loron 26 Junhu 2026.
Bainhira la’o iha dalan, populasaun sira forma naruk husi aeroportu Nicolau Lobato to’o Farol Dili, iha luron komunidade sira tanis no kari ai-funan ba Kadáver Saudozu Lu Olo no fo omenajem.
Bainhira to’o iha Comité Central FRETILIN (CCF), Militante sira ho kamizola, badeira no ai-funan hodi tanis no fo omenajem ba Saudozu Francisco Guterres Lu Olo.
