Konstrusaun Igreja Baguia Atinje 100%, Dalan Ba Parokia Besik Daudaun
Imajem : Sarani sira iha Igreja Kuaze Parokia São José Operário Baguia, Baucau, 02/04/2023
SAPNewsTL, Baucau : Konstrusaun Rehabilitasaun Igreja Kuaze Parokia São José Operário Baguia atinje ona 100%, Pastor Própriu Mateus da Cruz informa Konstrusaun Igreja ne’e obra husi Pe. Joao de Deus, SDB iha tempu Indonesia nian, Maibe aat total, nune’e halo ona rehablitasaun hodi fasilita sarani sira hodi halo selebrasaun.
“Konstrusaun Igreja ne’e obra husi Pe. Joao de Deus, SDB iha tempu Indonesia nian, Maibe aat total ona, entaun Iha tinan 2022, Ha’u simu nomeasaun nu’udar Pastor Proprio iha Baguia ho Misaun katak prepara Baguia atu sai paroquia iha tempu besik. Ha’u halo pedidu no hetan Osan hodi halo rehabilitasaun ne’ebe ohin atinje ona 100%”.Tenik Pe. Mateus da Cruz ba Jornalista SAPNewsTL liu husi via WhatsApp iha Loron, 02/04/2023
Pastor Própriu ne’e informa orsamentu ba rehabilitasaun konstrusaun Igreja refere mai husi subvensaun públika, Portantu Igreja ne’e sarani sira hahu uza ona iha selebrasaun solenidade domingu ramos
Imajem : Igreja Kuaze Parokia São José Operário Baguia
Nia hatete, Kuaze Parokia São José Operário Baguia ne’ebe diak ona, sarani sira hein Bispu foun mai bele ona halo elevasaun ba paroquia tanba Baguia prense ona kritéria sira ba parokia nian liliu iha ona infraestrutura no fundu ne’ebe sufisiente hodi administra
“Ami hein Bispu foun mai, ami bele sai ona parokia tan ne’e nu’udar Pastor Própriu iha obrigasaun atu buka Osan hodi prepara. Fundos Paroquia mak seidauk atingi maibe ha’u sei buka nafatin hodi kompleta to’o 15.000”. nia sublinha
Entretantu, tuir kriteria atu Eleva Estasaun Ida ba Paroquia mak Sarani tenki Liu rihun haat (4.000), Igreja, Rezidensia, Salaun Paroquia inklui Iha fundos paroquia tenki iha $15.000.00
Imajem : Pe. Mateus da Cruz
Relembra fali katak, Padre Primeiru ne’ebe Tama iha Baguia iha tinan 1930 maka Pe. Manuel Jeronimo, Hahu husi 1930 padre Sira Mai prepara Baguia mas seidauk sai paroquia, portantu Igreja refere hari’i iha tinan 1995 no inaugura iha dia 15 Agosto de 1997 husi matenian Dom Basilio do Nascimento
Pastor Própriu ne’e promete sei halo esforsu hotu-hotu hodi buka rekursu sira nune’eBispu foun mai bele eleva Kuaze Parokia São José Operário Baguia ba Parokia iha futuru
Enkuantu, Sarani Baguia hahú uza ona igreja refere ba selebrasaun solenidade domingu ramos tanba konstrusaun refere atinje ona 100%
Jornalista : Antonio Atamirinado