Matan Moris Kaer Lialos Determina Futuru, ElPar Povu Labele Mout Iha Drama
Imajem Pe. Gabriel Suban, iha Kapela Akanuno Hera, 02/04/2023
SAPNewsTL, Dili : Hafoin halo selebrasaun Solenidade Domingo de Ramos Pe. Gabriel Suban haktuir eleisaun parlamentar ne’ebe mai daudaun povu Timor Leste tenki matan moris no neon nain hodi labele mout iha lia bobar sira
“Iha buat rua importante maka Povu tenki Kaer metin lia loos, Se ita la kaer metin lia loos, ita hahu kaer lia bosok, ita hahu bobar tun bobar sa’e, insulta tun no insulta sa’e, halo an ita mak loos deit, seluk ne’e sala hotu deit, Ita halo drama iha povu ida ne’ebe agora matenek ona haree ita nia drama hirak ne’e. Ema hatene se mak kaer metin lia loos no Se mak moris la kaer metin lia los. Se mak hamout nia-an, hoban nia-an iha lia bosok ka manipulasaun. Hanoin katak Kristu mate tanba lia bosok tanba ema faan nia. Traisaun no Negasaun sei la mai husi liur maibe mai husi Laran, sobu husi laran”. Tenik Pe. Gabriel Suban SVD ba Jornalista SAPNewsTL iha Kapela Akanuno Hera, 02/04/2023
Nai Lulik ne’e hatutan “Presiza prinsipalmnte ema iha moris lia loos labele moris iha lia bosok, Ita hasoru festa demokrasia ne’e festa iha liberdade La’os festa iha tauk, laos festa iha intimidasaun mas festa iha ksolok no mos iha liberdade”.nia dehan
Nia hateten, selebrasaun paisaun Kristu nian ne’e nia mate, mate la ukun iha nia, nia moris hias fo ksolok ba ema hotu atu hala’o nia moris foun kada aspetu mos, Inklui mos iha parte ida hala’o ho ksolok ho liberdade sem medo (sem tauk) maibe halo ho livre ho haksolok tanba eleitor hatene buat ne’ebe nia hili ne’e loos. Se nia tauk entaun nia iha buat ruma ne’ebe laloos iha kotuk.
Imajem Sarani Kapela Akanunu Hera, 02/04/2023
Padre ne’e husu ema hotu liliu eleitor sira atu vota ho konsiensia hodi determina futuru ne’ebe diak liu iha eleisaun parlamentar tinan 2023
“Futuru Rai ida ne’e diak, hakmatek dezenvolvimentu ita mak determina liu husi eleisaun. Se ita determina laloos ita sei lamenta nafatin, ita sei hoban nafatin iha la hakmatek, iha dezenvolvimnetu ne’ebe hakdasak. Se ita determina diak ho konsiensia tomak ho konviksaun iha eleisaun ne’e, povu tenki matan moris neon nain hodi hili futuru”. Nia konklui
Enkuantu, Padre Selebrante ne’e mos husu atu ema hotu atu labele beibeik halo odiu no vingansa, konta ema nia vida, tolok ema, trata ema, la tulun ema, halo negasaun no traisaun ba ema, hatun ema iha kampanha eleitoral tanba ema hotu hanesan iha maromak nia protesaun no salvasaun
Jornalista : Esmeralda da Silva