La Kolen Pineira Rai-Henek, Magno Husu Joven Labele Dependente Beibeik Ba PAMA
SAPNewsTL, Dili : Filipe Magno Paixeco ho idade rua nulu resin-sia (29) husi Munisipiu Ainaru Postu Hatu-Builiku, Suku Nulo Aldeia Hautio, agora hela iha Suku Comoro Moris Foun C. Buka osan Liu husi Pineira rai-henek iha Mota laran hodi selu alin sira nia eskola no ajuda mos Apa Ama iha Foho.
Ohin iha mota laran Comoro Filipè Magno Paixecó Hateten moris lor-loron la hein de’it Apa ho Ama mak buka osan, nia mos buka osan liu husi Pineira rai henek hodi sustenta ba nesesidade familiar
“Ha’u nia moris lor-loron mak Pineira Rai-Henek iha mota laran, molok dadersan madrugada ha’u mai pineira rai henek iha mota laran atu hetan netik osan uitoan atu ajuda apa ho ama no alin sira nia eskola, iha tuku sanulu resin ida ba leten ha’u sei deskansa uitoan depois mak kontinua fali, maske loron manas maibe ha’u nafatin esforsu tanba moris hanesan mane labele tu’ur hein de’it, se ita la esforsu se mak bele esforsu tan”. Dehan Filipé Magnò Paixeco ba jornalista SAPNews iha Comoro Mota laran Kinta(12/08/2022).
Nia Hatutan, pineira rai henek hahú husi Tuku lima dadersan no tuku sanulu nia deskansa tiha no tuku haat mak nia kontinua fali nia atividades pineira rai henek
“Rai-Henek ne’ebe pineira kada loron, kareta foin tula no depende ba ema sosa nain sira, rai-henek Reet ida hetan osan dolar Sanulu Resin-lima, osan ne’ebe hetan bele sustenta ba nesesidades uma laran nian”. Katak nia
Entretantu, iha tempu udan nia pineira maibe kareta la mai tula mota dala ruma sobu tiha, maibe nia nafatin esforsu hodi pineira nafatin tanba nesesidades uma laran obriga
Enkuantu, nia husu ba Joven sira atu esforsu nafatin no labele tu’ur hein de’it Apa ho ama mak buka osan fo mai oan, maibe nu’udar mane tenke buka moris rasik atu nune’e bele ajuda fo fali ba alin sira hodi selu sira nia eskola no sustenta nesesidade uma laran nian.
Jornalista : Aquelina Magalhãès
Editor : Luis Pailofo