Selebra Loron Mundial Juventude, Grupu Juvenil Sira Aktualiza Beach Clean Up
SAPNewsTL, Dili: Relasiona ho selebrasaun loron Internasional Juventude, liu husi inisiativa United National Development Programme (UNDP), Parlamentu Nasional servisu hamutuk ho Group Young Conversation, TiWoman ho inisiativa halo limpeza Beach Clean up husi Farol to’o iha jardin Domin Matak.
Tuir Joven Profesional Envolvimentu Siviku Fernando Maia Gama hateten aktividade limpeza beach clean up ne’e halo husi Young Conversation no grupo sira seluk hodi selebra loron mundial ba Juventude
“Ami husi Young Conversation realiza atividade ne’ebé inisiativa husi UNDP no servisu hamutuk ho Parlamentu Nasional ohin loron realiza atividade beach clean up iha fatin ida ne’e ho objetivu hodi atu selebra loron Mundial Juventude, ita organiza atividade hamutuk ho grupu juventude sira, oinsa ita enkoraja joven sira partisipa aktivu liu iha area hotu-hotu”. Tenik Fernando Maia ba Jornalista sira iha jardim Domin Matak, Sexta-Feira, 12/08/2022.
Nia hatutan, konteudu husi atividade beach clean up ne’e rasik mak oinsa enkoraja joven sira atu hadomi no promove meiu ambiente
“Antes ne’e ita halo atividade barak maibé atividade ohin loron nian hodi selebra loron internasional (young day) ne’e mak halo atividade hamos beach clean up, atividade ne’e ita hamutuk ho Young Group sira, Drovas Tropas meiu ambiente no The Kraken, nune’e bele enkoraja joven sira para hadomi meiu ambiente”. Tenik nia
Iha fatin hanesan Arisca da Conceição Marçal husi Grupo TiWomen aumenta tan katak hodi komemora loron juventude grupu husi Drobas Young Conversation no TiWomen rasik halo aktividade limpeza beach clean up hili plastiku sira hodi halo resiklajen para fa’an fila fali no aktividade ohin loron nian hanesan parte ida hodi komemora loron juventude ne’ebé grupu sira husi Drobas, Young conversation no mos Ti Women no mos grupo sira seluk aktividade ne’e hodi kontribui ba redus plastiku
Jornalista: Marcela Mery da Costa
Editor : Luis dos Santos