La Simu Osan Idozu, Avó Ilda Faan Obralan Sustenta Oan Nia Estudu

SAPNewsTL, Dili, 19/07/2022 : Negosiante Ilda Gomes ho idade neenulu (60), avó ne’e Husi Munisipiu Bobonaro Postu Administrativu Balibo Suku Coba, Agora dadaun hela deit iha Tasi-Ibun Tasi-Tolu nian, buka osan liu husi Faan Obralan hodi selu oan sira nia Eskola no sustenta nesesidade loron-loron  nian

Negosiante Ilda Gomes hateten  uluk nia fan iha Terminal Tasi-Tolu, maibe  foin dadauk 20 de Maiu ne’e mak walikota sira muda nia mai hela tiha iha Tasi-Ibun ne’e maibe to’o agora Governo seidauk fo fatin ne’ebe diak ba nia hodi buka moris.

“Ha’u kalan loron toba deit iha ne’e hodi Faan netik obralan hodi selu ha’u nia oan sira nia eskola, Se ba toba iha uma semak atu selu tanba ha’u nia oan nain Lima(5)  Univesidade hotu, Osan ne’ebe hetan kada loron ida hetan deit $0.50 sentavus, se sa’e liu ba mak $2 netik selae loron ida la hetan ida”. Dehan Negosiante Ilda Gomes ba Jornalista SAPNewsTL iha Tasi-Tolu Dili, Tersa(19/07/2022),

 Negosiante ne’e hatutan, hela deit iha tasi-ibun  ne’e senti malirin husi tasi mai no loron manas maibe pasiénsia deit hodi buka moris hodi selu oan sira nia eskola no nesesidade familia uma laran nian

“Osan idozu nia, ha’u la hetan maske tinan ba ona iha 60, Obralan ne’ebe ha’u faan ne’e ha’u hola tutan tan fali husi ema sira iha manleu saku ida sira faan atus ida ($100), lori mai mak sobu hodi faan fali, Se la halo hanesan ne’e ita atu husu ba se, se servisu mos la iha”. Nia hateten

Entretantu, nia husu ba governo halo netik fatin ne’ebe diak ba sira hodi sira bele faan sira nia sasan ho diak, nune’e udan la bele kona no loron manas la bele kona sira wainhira sira hala’o sira nia negosiu hodi hadia sira nia moris

Jornalista : Justino de Jesus Soriano & Marcela Mesquita de Jesus Lemos